MIKA 6:9 - PATHIAN LEKHABU IRTHIANG C.L. Bible (BSI)

⁹ Rengpa khan khopui kha a insam a ni, vârna nei mi khan nir hming kha chi a ti: hêmvuak leh a sinsiamtu kha inhre mai roi.

MIKA 6:9 ပူးပေါင်းရင်းမြစ်များ

2 SAMUELA 21:1

Khan Davida inlal lai khan kum thum châm a tâka. Khanchu Davida khan kha thua khan Rengpa a chongpuia, Rengpa khan, “Saula le a in mihaiin thisen an insuaa, Gibeon mihai an that sika a ni,” a tia.

JOBA 10:2

Pathian kuang hiang hin ti ki ti, theiloi nin changtir loiin ni ni demna nin entir sa roh.

JOBA 23:14

Ki rukbaka a irêl chu zui ki ta, Ama ang kha a la inei hluk a ni.

JOBA 5:17

Pathianin mi a irchutir chu irkhêl loiin, khasikin itinrêng thothei thupêk chu ngainêp no roh.

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

INPÂKNA HLAHAI 48:10

O Pathian, nir hming ang dênin ni kut chang tiang khan felna’n a isip a ni.

INPÂKNA HLAHAI 83:18

Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.

INPÂKNA HLAHAI 9:16

Rengpa khan an hriattira, roi a rêl tâka. Mi sia chu ama kut suak ngeia khan an ôk ngaia.

THUVÂRHAI 22:3

Mi bengvârin chu siatna hong tung hrang a lei hmua, a lôi ngaia; inmôl rêkin chu ar chôm duma, a tuangna kai a ni ngai.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 27:10

Khopui kul neihai chu a chim zoi ta, kho ram a ni tâka, ramchâr hmun a chang ta. Khatak khan sâhai an lênga, an riakbuk, an lêngna a chang zoi ta.

ISAIA 30:27

Hlatak atakhom nangni a en thei, en mai roi, Rengpa sinthotheina a hong inlang ta so, a ningmur meikhu angin ar zâm, milung chuk loiin a nuar so. A thu suak chu meiri-al kâng irhmang thei hrang angin a om.

ISAIA 66:6

Khopui sûnga irhâi om chu, Tempil sûnga irhâi chu imo a inih ta? Rengpa phuba lâk irhâi a ni, a râlhai a ithuanna a ni.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:6

Thuzôm loia nin la om maiin chu hi tempil chunga hin, Silo chunga ki itho ang khan ki itho hrang a nia, khanchu rammuala nam tinin hi khopui irhming hi khomâk irsâmna’n hmang an ti,” tiin.

JEREMIA 47:7

Hi sintho hrang ki pêk laiin, ama chu itin mo irngam thei a ta? Ama chu Askelon doi hrangin thu ki pêka, tuipui kôla mi a omhai khom kha,” a tia.

EZEKIELA 7:9

Khan, ki mitin nang irhmâi no ning, nang inren no ning, ni omdân ang zêlin ni chunga zuan tung ki ta; thil porinchehai ni itho chu ni chunga nang thuan ki ta; khanchu kei Rengpa hi hrem thei ki nih ti inhria nin ti,” a tia.

HOSEA 13:16

Samaria ram ata a Pathian chunga tehel a zonga, khandaia intûktirin om an ta, an nâitesenhai kha pai inthek zit ni an ta, an nupang, nâivong laihai kha kaithêr ni an ti.

HOSEA 14:9

Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

AMOSA 2:5

Khannisianlân Juda chunga mei tîr ki ta, Jerusalem khua rêng inhai kha kâng zoi a ti,” a tia.

AMOSA 6:1

Zion tânga hoi ta hraia omhai le Samari tânga raifân taka omhai le nam lian tak mi roiinpuihai, an kuanga Israela sûngkuahai an fenahai chung kha a zîng e!

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

MIKA 6:10

Mi sia ina khan sualna irchon kokhai kha a la omin, irkhîna dikloi intirom tak kha a iom ma ni?

MIKA 6:8

O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

ZEFANIA 3:2

Hnukirhâi kha zôm maka; halirchûna pom maka; Rengpa kha iam maka; a Pathian tiang nâi nuam ma.

THUPHUANG 3:19

Lung ki ithung ka chu ki hrila, ki zêm ngai, khasikin sathnem irngaiin lân, ni sualna ata irlet roh.