MIKA 6:8 - PATHIAN LEKHABU IRTHIANG C.L. Bible (BSI)

⁸ O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

MIKA 6:8 ပူးပေါင်းရင်းမြစ်များ

IRPHUTNA 18:19

Rengpa hnung an zui theina hrangin a hnunga a nâihai le a in mihai, thil fel le roirêl indik hrangin kin kung tâk sikin, khanchu ama chungchânga hrila Rengpa’n Abrahama chunga a tung theina hrangin,” a tia.

IRPHUTNA 5:22

Methusela a nei zoiin Enoka chu kum 300 chu Pathian le omsuamin, nâinu le nâipa a la neihaia,

2 THURCHI SUINA 30:11

Khaang pum khom khan Asera hai, Manasea hai, Zebulun hai, Jerusalema hong nuam an oma.

2 THURCHI SUINA 32:26

Inhnung tiang chu Hezekia le Jerusalema mihai an irsîra, an irngaiintôma, Hezekia dam sûng chu Rengpa ningmurna an chunga tung pehai ta ma.

2 THURCHI SUINA 33:19

Reng Manasea chongchaina le Pathian isâmna hai, a irlet zoia thilsual a ithohai thurchi, nam dang pathian biakna hmun irsânghai, Aseri irlim sina, a millim inluan a ibiakna thu hai, deipuhai thurchi irziakna bua a chuang sa ving a ni.

2 THURCHI SUINA 33:23

Khan, a pa angin irngaiintômna nei maka, Rengpa tiang irhei nuam maka, a pa nêkin a isual ual a ni.

2 THURCHI SUINA 34:27

ni’rleta, ni’rhnuai tâka. Jerusalem le a sûnga mi hrem ki ti, ki ti lai khan poi ti takin ni puan ni ir-ekthêra, ni chapa.

NEHEMIA 9:13

Sinai tânga khan ni honga, irvân ata anni laia thu nin sîra, roirêlna dik takhai, dân diktak, thu’nkung le thupêk satak ni pêka.

INPÂKNA HLAHAI 101:1

Lungkhamna le roirêlna thu kha hla’n sak ki ta: O Rengpa, nangma inpâkin zâi ki ti.

INPÂKNA HLAHAI 112:4

Mi dikhai hrangin inthima khan vâr a hong suak ngaia, Rengpa chu mi lunginkham thei tak, inrennaa sip le fel tak a ni.

INPÂKNA HLAHAI 112:9

A sem indara invâihai kuang a pêka; A felna chu kumkhua’n om a ta; Ama kha roiinpuinaa khan chôiindômin om a ti.

INPÂKNA HLAHAI 37:26

Sûn ni tâkin lung mi a thunga, an pûktir ngaia; A’rchihai khom an vân a sa ngai.

INPÂKNA HLAHAI 73:28

Keima ta hrang rêkin chu Pathian nâi hi a isa a ni: Rengpa Pathian chu ki inzôknaa ki hmanga, Ni sintho murdi thu ki hril theina hrangin.

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

THUHRILTU 12:13

Hihai murdi zoia hin chu, thil inkhat vai hi hril hrang a om tâka; Pathian chin lân a thupêkhai zôm ro, kha hrang piala mihriam hi siam ei ni sikin.

ISAIA 56:1

Rengpa’n hiang hin a ti: Diktakin roirêl unglân, diktakin sintho roi, nangni sansuak lat hrang ki ni ta, ki fel lam chu hong inlang ta a ti.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

JEREMIA 22:16

Inrianghai le irsamhai a uksaka, khanchu itinrêng ama hrangin chu a sa inzen a chang pe tâka. Khatak kha kêng Rengpa inhriat tihna chu a ini.

JEREMIA 22:3

Keima Rengpa hin diktak le fel taka roirêl hrangin thu nangni ki ipêk a ni. Mi huanga omtu chu a huangtua irthokin soisak roi. Ram dang mihai, meithâihai, farahai, dengintheitirin mani, sirphûmhai no unglân, tho’nchâina nei loi mihai hmun irthianga thathai no roi.

JEREMIA 9:23

Rengpa’n a ti, “Mi vârhaiin an vârna, mi hrâthai khomin an hrâtna, irchonghai khomin an irchongna irpâkpui no ri sehai.

CHAP HLA 3:26

Rengpa’n a ni saninzôk hrang zoro chu nghâk hi a satak a ni.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

EZEKIELA 33:14

Mi pualoi chu thi hrangin ki’rkôk theia, khannisian a sual sinhai mongin a dik le a fel a thoa ni’n chu,

DANIELA 4:37

Khanchu kei Nebukadnezara’n irvân Rêng chu kin pâka, ki ichôiirsângin ki inzâ a ni, a sintho a fel sikin; mualinphoia omhai khom a irhnuaitir thei a ni.

HOSEA 12:6

Khanchu, nangin chu ni Pathian kuang tiang irheiin lân, lungkhamna le roirêlna hmangin lân, ni Pathiana khan irnghat mai roh.

HOSEA 6:6

Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.

LEVI DÂN 26:41

anni sikin ki’rheisana, an râlhai rama kin hnotsuak a nih ti irhriat an ta; khanchu, an lungrîl irhnuai an ta, an sual man an pêl hnung chu,

AMOSA 5:24

Khannisianlân, roirêlna dik kha vadung angin luang sianlân, felna kha ivapui kang ngailoi angin luang ri se.

MIKA 6:9

Rengpa khan khopui kha a insam a ni, vârna nei mi khan nir hming kha chi a ti: hêmvuak leh a sinsiamtu kha inhre mai roi.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

ZAKARIA 7:9

“Matona ki mihai chu hiang hin thu ki pêkhaia: roirêlna dik chu inlangtir unglân, khonzâna le inrenna khom inlangtir sa roi.

MATHAIA 5:3

“Irthaa inrianghai chu an vân a sa e, irvân Ram an ta a ni sikin.

MATHAIA 5:7

“Lungkhamna nei mihai chu an vân a sa e, lungkham an la ihlo hrang a ni.

LUKA 10:42

Inkhat vai kêng a inang, Mari’n thil dik an thanga, ni isutpai hrang ni mah,” a tia.

LUKA 11:42

“Nangni, Farisaihai nangni lan tak pe a ti na! lêngmiser, podina le chîmu tinrênghai sôma inkhat Pathian nin pêk ngai, khannisianlân, dikna le Pathian lungthungna chu nin irngaiinnêp ngai; khahai kha kêng nin itho ngêt ngêt hrang chu, a danghai khom khi mâk ual loiin.

LUKA 12:14

Jisua’n a sâma, “Mihriam, nangni ta hrangin tu mo roirêltua le irchon sempua ni siam?” a tia.

LUKA 6:36

Nin pa khomin mi lung a inkham angin nangni khomin mi lung inkham ngai roi.

ROM KHUAA MIHAI KUANGA TÎRTÔN PAULA LEKHATHON 7:16

Ki itho nuam loi kha ki tho’n dân kha a sa ki itipui sa tihna a ni.

ROM KHUAA MIHAI KUANGA TÎRTÔN PAULA LEKHATHON 9:20

Khannisian, o mihriam, Pathian sêltu kha tu mo ni ini? Thil siam khan a siamtu kuang? “I hrang mo hiang hin ni ni isiam?” a iti hrang ma ni?

1 KORINTH 7:16

Kristian dôngma, ni pasal ni saninhring hrang le hrang loi, itin mo ni inhriat? Kristian pasal, ni dôngma ni saninhring hrang le hrang loi itin mo ni inhriat?

EFESI 4:32

Lungirkham irhlômin, ir-en irhlôm unglân, Pathianin Kristaa nangni a ingaidam angin irngaidam irhlôm roi.

DÂN INHNINA 27:10

A thu zôm unglân, a thu’nkung a vuana nangni ki ihril murdi hi zôm roi,’ a tia.

DÂN INHNINA 30:15

A vuan hin imo nin thang nuam, thil sa mo, saloi, hring mo, thi, inthang ro.

KOLOSA 3:12

Khanchu Pathian mi inthang, mi irthiang le inditom takhai ni le irhoiin lungrîl taka irrenna hai, khonzana hai, irngaiintômna hai, thuhnuairôlna hai, tuangdiarna hai khan irvô roi.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

JAKOBA toc2 JAKOBA 2:20

Mi’nvêtpa, iamna hi sintho kop loiin chu ite ni mah ti nin hriat nuam mo?

JOSUA 24:14

“Khasikin, Rengpa chu inzâ unglân dik takin a sin tho ngit roi. Mesopotamia ram le Aigupta rama nin pi le puhai ibiak ngai pathian illimhai kha pai zit roi.

1 PETERA toc2 1 PETERA 3:8

A mong taka chu, nin rêngin lungrîl hmunkhat irput unglân, irkan irhlômin urêng angin lung irthung irhlôm unglân, lung irkham irhlômin thuhnuairôl takin om roi;

1 SAMUELA 12:23

Kha vai kha ni loiin nin ta hranga chongchai hi mongin, Rengpa chunga hin insual ual no ning, hi nêka lampui sa dik nangni irhmu ual ki ti.

1 SAMUELA 15:22

Samuela’n, “Rengpa khan thuzôm a inuam ang khan hâlirvôm thilinhlanhai le irbôlnahai hi a ilôm ngai ma ni? Irngai ro, irbôlna nêkin thuzôm hi a sa uala, kêlbelrachal satak nêkin, a thuzôm hi a sa ual a ni.