MIKA 6:6 - PATHIAN LEKHABU IRTHIANG C.L. Bible (BSI)

⁶ I leh mo Rengpa makunga khan zuang ki ta, Pathian inchungtak makunga ki ikûn hrang? Hâlirvôm thilinhlanhai, sehrâtte kum khat mihai le a makunga khan ki ihong hrang ma ni?

MIKA 6:6 ပူးပေါင်းရင်းမြစ်များ

2 SAMUELA 21:3

Khanchu Davida khan Gibeon mihai kha a koihaia, an kuang, “Imo nangni ki itho pe hrang? Rengpa mihai kha sat ni vur theina hrangin nin chunga tho’nsual lei nei tâk chungchânga i anga irngeina mo nangni ki isiam pe hrang?,” a tia.

INPÂKNA HLAHAI 116:12

Ki chunga a sintho sat murdi sika hin Rengpa chu imo ki ipêk hrang tâk?

INPÂKNA HLAHAI 22:29

Irnênga mi nei intam murdihai khan fâkin chubai mûk an ti: pila chum hrang murdihai chu a makunga la kûn an ti. Mâni hringna inhring mai thei loi chu.

INPÂKNA HLAHAI 95:2

Lômthu insîrin a makunga fe ei ti, Inpâkna hla saka ama chôiindômin raifân takin irhâi insua ei ti.

INPÂKNA HLAHAI 95:6

O hong unglân, chubai mûkin kûn ei ti; Rengpa ni Siamtu makunga khûksadel ei ti:

FESUAKNA 12:5

An indit inthangna khom kêlbelrate a ni no le kêl nei thei nin ta, khannisian a chal kum khata mi, demnaboi a ini hrang a ni.

FESUAKNA 23:15

Abib tha, ki zoro inkunga, chol koploi bai kût hmang unglân, sûn sari sûng chu hi kûta hin chol koploi bai ite nin ifâk hrang ni mah. Hi zoro hin a ni, Aigupta ram ata nin hong isuak, khasikin chubai ni mûk hrangin kut korongin nin ihong hrang ni mah.

THUVÂRHAI 15:8

Mi pualoihai irbôlna chu, Rengpa ta hrangin intirom a nia, mi felhai chongchaina chu a ifel a ni.

THUVÂRHAI 21:3

Irbôlna nêkin dikna le felna sin hi Rengpa lôm lam a ni.

ISAIA 40:16

Lebanon tânga ramsahai chu Rengpa ta hranga irbôlna ruk no nia. Thing omhai khom tua ruk no ni.

JEREMIA 6:20

Seba ram ata irthokin bero mirimhoihai mo, ram hlataka thil namhoitak an ni hong ichôi pehai hi, keima hrangin imo a hlutna om? An thilinhlanhai pom pehai no ninga, an irbôlnahai khom lôm ual no ning.

EZEKIELA 46:9

“Khan kût zorohaia, Rengpa biak hranga mipui hongtuhai chu, hmâr tiang dâikota an lûtin chu an biak zoi le sim tiang dâi mikota khan suak an ta, sim tiang dâi mikota lûttuhai chu hmâr tianga dâi mikota khan suak an ti. Tukhom a lûtna tiang dâikota khan suak thei ni no ni, a maton tianga fe pat hrang a ni.

DANIELA 3:26

Khanchu, Nebukadnezara chu hâlirvômna meipui mikot bula a hong nâia, “Sadraka, Mesaka le Abednego, nangni anchungtak Pathian suakhaio, hong suak unglân, hin hong roi,” tiin a chongpuihaia. Khanchu Sadraka, Mesaka le Abednego chu meipui lai ata an hong suaka.

DANIELA 4:9

o, Beltesazzara mitvai dôitheihai hruaitu, nangma hin Pathian irthiang irtha a om ti le thu’rthup murdi’n nan buai ngai mah ti kin hriat sikin: ki’rmanga ki ihmu inlârna le hrilfiana nin hril roh.

DANIELA 5:18

O inlaltak, ni pa Nebukadnezara chu inchungtak Pathian khan an laltira, an liantirin a sân a iroiinpuitir tak tak a ni;

DANIELA 5:21

mihriam nâihai lai ata inhnotsuakin a oma, a lungrîl khom ramsahai angin, a omna khom rama sakuartunghai laia a nia; sehrât angin hloisûl fâkin, a taksa chu irdo irsilin a oma: Pathian inchungtakin mihriamhai inlalna rama thu a neia, a inuam tak an luatir thei ti ar hriatsuak mâka chu.

HOSEA 5:6

An belra pâlhai le an sehrât pâlhai le Rengpa zong hrangin fe an ta, khannisianlân ama kha chu hmu no nihai, anni ata a irkiang tâk a ni.

AMOSA 5:22

A ni, nin hâlirvôm thilinhlan le nin bu inhlan, nin hlan khom unglân, pom no ning, nin sâ mar irngeina inhlanhai khom uksak ual no ning.

NAMBAR 7:51

pum hâlirvôm thilinhlan hrangin sehrâtchal tuai inkhat, belrachal inkhat, belrate kum khat mi inkhat

MATHAIA 19:16

Khan, mi inkhat Jisua kuang a honga, “Irchutirtu, kumtuang hringna ki nei theina hrangin i sin sa mo ki itho hrang?” tiin a’rdona.

MARKA 12:33

Khasikin Pathian chu mihriamin a lungrîl murdi’n, a lunginchongna murdi’n, a hrâtna murdi’n lung a ithung ngêt hrang a ni, Khabana ama lung a irthung ang khan a bômhai khom lung a ithung hrang a ni. Pathian kuang pumhâl irbôl le irbôlna danghai nêkin khom, kha thupêk inhnihai zôm kha a nang ual,” a tia.

MARKA 5:7

Inring takin a khêka, “Jisua, Inchungtaka Pathian Nâipa, imo ni lo hrang ni iti? Deng nin thei loi hrangin Pathian irhmingin nang ki ngên,” a tia.

LUKA 10:25

Dân irchutirtu inkhat Jisua kuang a honga, a kuang, “Irchutirtu, kumtuang hringna ki nei theina hrangin imo ki itho hrang?” a tia.

JOHANA 6:26

Jisua’n a sâmhaia, “Thudik tak nangni ki hril, sinirkhêl nin hmu sika ni zong ni mak chêia, bai nin fâk khop sika ni zong nin ni hi te.

TÎRTÔNHAI SINTHO 16:17

Khanu khan Paula le keini a ni zuia, “Hi mi, saninhringna lampui nangni hrilhai hi, Anchungtak Pathian suakhai an ni hi,” tiin a khêk ngaia.

TÎRTÔNHAI SINTHO 16:30

Ama kha pên tiang a hruai suaka, “Puhaio, saninhring ki ni theina hrangin imo ki itho hrang?” a tia.

TÎRTÔNHAI SINTHO 2:37

Khanchu, kha thu kha an inhriatin chu an lungrîl a sân a tôna, Petera le tîrtôn danghai kuang khan, “Urênghaio, imo kin itho hrang tâk?” an tia.

EFESI 3:14

Hi sika hin Pa makunga khûksadelin ki kûn ngai.

HEBRAI toc2 HEBRAI 10:11

Juda Ochai tinin a nitin an sintum sinin irbôlna ngai dên kha voi tamtak an inhlan ngaia, khannisianlân, kha irbôlnahai khan sualna inboi thei viat mah.

1 SAMUELA 15:22

Samuela’n, “Rengpa khan thuzôm a inuam ang khan hâlirvôm thilinhlanhai le irbôlnahai hi a ilôm ngai ma ni? Irngai ro, irbôlna nêkin thuzôm hi a sa uala, kêlbelrachal satak nêkin, a thuzôm hi a sa ual a ni.