MIKA 6:5 - PATHIAN LEKHABU IRTHIANG C.L. Bible (BSI)

⁵ O ki mihaio, Rengpa thil tho fel kha nin inhriat theina hrangin, Moab rêng Balaka thu’nkung le Beora nâipa Balaama’n a sâm dân, Sitim ata Gilgal dêna thil omziahai kha, atûn hin inhre mai roi.

MIKA 6:5 ပူးပေါင်းရင်းမြစ်များ

INPÂKNA HLAHAI 111:4

Ama khan a sinirkhêl thohai chu an inhriat mai ngaia; Rengpa chu mi lunginkham thei tak, inrennaa sip a ni.

INPÂKNA HLAHAI 143:11

O Rengpa, nangma irhming sikin ki hringna hi hrungin lân; Ni fena sikin lungzîngna ata ni hruai suak ro.

INPÂKNA HLAHAI 36:10

O, nangma inhretuhai chunga khan ni lungkhamna kha inlangtir maiin lân; Milung dik tak irputhai chunga khom ni felna kha inlangtir mai roh.

INPÂKNA HLAHAI 71:19

O Pathian, ni felna khom ar sâng tak tak a ni; O Pathian, nang thil roiinpui takhai thotu, Nangma ang hi tu mo om?

ISAIA 1:27

Zion khua chu diknain sansuak ni a ta, a sûnga sual irlethai khom felna khan inzôk ni an ti.

NAMBAR 22:41

Khanchu zîng khovâr mâka chu Balaka’n Balaama chu a hruaia; Baal hmun irsâng tianghai a fepuia, khatak ata kha Israel mipui murdihai kha a va hmuhaia.

NAMBAR 23:27

Balaka’n Balaama kuang, “Hong hi ro, hmun danga nang lei hruai nôk hi rong, khatak ata chu khua ni sâl pe hrang hi Pathian a nuam khom a ni thei,” a tia.

NAMBAR 25:1

Khan Israelhai chu Sitim-ah an om lai khan, Moab nupanghai le om pualoia omin an siat tâka.

NAMBAR 25:2

An pathianhai kuang, an irbôlna hruaithena khan an fialhaia; khanchu an fâka, an pathianhai chu chubai an mûkhai tâka.

NAMBAR 31:16

Irngai roi, Balaama thupêk zômtuhai kha nupanghai hi an nia, Peor hmuna khan mipuihai chu Rengpa chunga an inchâitirhaia, khasik taka khan Rengpa’n mipuihai chu hripuiin a insiathai a ni kha.

NAMBAR 31:8

Midian rêng ringa hai, Evia, Rekema, Zura, Hura le Reba hai khom an thathai sa tâka. Beora nâipa Balaama khom an that sa ta.

NAMBAR 33:49

Jordan vapang, Bethjesimoth-a irthokin Abel-sitim dênin Moab phâia omhmun an khuara.

EFESI 2:11

Nangni, irzirnaa Jentail, taksa kuta sertanhaiin, “Sertanloi” nangni an iti ngai kha.

DÂN INHNINA 16:3

A hme chu bai chol kop le nin ifâk hrang ni ma; sûn sari sûng chol kop loi bai, tuang entîrna bai kha nin ifâk hrang a ni, Aigupta ram nin suaksan hranga irhnot taka nin ifâk ang khan. Nin dam sûngin Aigupta, nin inriangna ram nin suaksan nikhua nin inhriat maina hrangin fa ngai roi.

DÂN INHNINA 23:6

Khasikin, itiklai khomin anni leh hin irngeina siam no unglân, an irhniangna hrang khom nin dam sûng chu tho pehai no roi.

DÂN INHNINA 8:18

Rengpa nin Pathianin irchong thei hrangin nangni a inhrâttir a nih ti inhre mai roi; nin irchibulhai kuang a inkung kha ama khan a la inthâ no sika a ni.

DÂN INHNINA 8:2

Kum sômminli sûng ringot Rengpa nin Pathian khan ramchâra nangni a inchaitir kha inhre mai roi; deng nangni an theitira, nangni a fiaa, a thupêkhai kha nin izôm hrang mo zôm loi hrang nin lungrîl inhriat a inuam a ni.

DÂN INHNINA 9:7

Ramchâra khan Rengpa nin Pathian kha ning nin inmurtir kha inhre mai unglân, irnghil no roi. Aigupta ram nin suaksan nî ata atûn ten hin Rengpa ata tehel zong intam ngai nin ni.

JOSUA 2:1

Nuna nâipa Josua’n Sitim ram ata va envêl hrangin mi inhni a tîra, “Ram chu inrûkin va envêl u ta, Jeriko khua kha chu va en infel ual roi duah,” a tia. Khua an va tungin chu riak tumin notizuar Rahabi in an pana.

JOSUA 3:1

A tûka Josua le Israelhai chu zînga an thoia, Sitim zôl ata Jordan dung kôla an irsona, ivadung an irkân mânin an riaka.

JOSUA 4:19

Jordan tuidung chu tha khatna tarik sôm ni khan an irkân a ni. Jeriko sak tiang ramri kôl Gilgal-a omhmun an siam tâka.

2 PETERA toc2 2 PETERA 2:15

Lampui dik an pêtsana, an irhmang ta. Beora nâipa Balaama lampui an zui ta. Ama khan chu thilsual tho an lâp takin ar hriata.

1 JOHANA 1:9

Ei sualhai Pathian kuang ei irphuangin chu, ama kha iam a omin a dika, ei sualhai a ni ngaidamin, ei dikloina murdi a ni irsûkinfâi hrang a ni.

JUDA 1:11

Lungkham an om bâk ngaia! Kaina lampui kha an zuia, sum irzûlin Balaama sualna tiang an intâna, Kora angin tehel an zong sikin, an irhmang sa ta!

THUPHUANG 2:14

Khannisianlân, nang demna ki nei viat: nin laia mi senkhatin Balaama thu irchutirna an pom sikin. Kha pa khan millim biakna thil an ifâkna hrangin le irditna porinche an songna hrangin Balaka kha Israel mihai suala hruai irhmang dân a irchutir a ni.

ROIRÊLTUHAI 11:25

Moab rêng Zipora nâipa Balaka nêka hrâtin ni inhriat ma ni?

ROIRÊLTUHAI 5:11

Tuikhura irhâi irsê sup sup khan, Rengpa sintho satzia an hril, Israel rama thil roiinpui a itho chu an insîra. Kul mikothaia khom an irbukkhôm tâka.

1 SAMUELA 12:7

Khasikin Rengpa makunga atûn ngîr unglân, Rengpa’n nin chunga le nin irchibulhai chunga thil a lei itho infel dang nangni sûtpui hi rong.