MIKA 6:4 - PATHIAN LEKHABU IRTHIANG C.L. Bible (BSI)

⁴ Aigupta ram ata kha nangni ki hruai suaka, suak ata nangni ki’rtansuaka; nin mân tiang Mosia, Arona-hai le Miriami hai ki zuang itîr kha.

MIKA 6:4 ပူးပေါင်းရင်းမြစ်များ

2 SAMUELA 7:23

Nangma mi innitir hrang, sal ata ni irtansuakhai, ni mi Israelhai anga rêng rammuala hin om mahai. An ta hranga thil roiinpui le thil irkhêl ni ithohai khan rammual pumpuia nir hming chu inthangin a iom a ni. Aigupta ram ata ni dongtum hranga ni inzôkhai kha, ni mihai kha maton tiang an fe mai lai khan nam dang le an pathianhai kha nin hnotsuak pehaia.

INPÂKNA HLAHAI 77:20

Mosia le Arona kutin ni mihai chu belra rual angin ni hruai ngai.

FESUAKNA 12:51

Hiang hin a nia, kha nî sûn taka khan Rengpa’n Israel irchihai kha Aigupta ram ata mipuihai chu a ihruaisuakhai tâk a ni.

FESUAKNA 20:2

“Suaka nin omna Aigupta rama irthoka nangni hruai suaktu, Rengpa nin Pathian chu ki ni.

FESUAKNA 3:10

Khasikin nang ki tîr, ki mi Israel irchihai Aigupta ram ata hruai suakin, Faroa kuanga fe ro,” a tia.

FESUAKNA 4:10

Khanchu Mosia’n Rengpa kuanga, “O Rengpa ni tîr no ro, kei chu maton ata mi chong thei ni ma unga, mi chong ak mi ki lei ni sikin,” a tia.

FESUAKNA 4:16

Khanchu Arona kha mipui laia ni thuhril irhlettu chang a ta, nangma hrangin ni hmûr ni bâi nang chang pe a ta, nangma chu ama hrangin a Pathian angin om ni ta.

FESUAKNA 6:27

Hihai hin kêng Aigupta rêng Faroa va chongpuia, Israel irchihai chu Aigupta ram ata suak hranga va hriltu chu Mosia le Arona hai hi an ni.

JEREMIA 32:21

Sinirkhêlhai le irsinsiana thilhai hmangin kin râlhai nin thotira, ni mihai Aigupta rama irthokin hruaisuak hrangin ni sintho theina le ni’rnak ni ihmang a ni.

AMOSA 2:10

Khan, Amor-hai ram nei hrangin Aigupta ram ata nangni ki hruai suaka, ramchâra kum sômminli sûngin nangni ki hruaia.

NAMBAR 12:1

Miriami le Arona’n, Mosia’n Kus mi dôngma’n a nei sikin, an hrilinsiata.

NAMBAR 33:1

Mosia le Arona hruaina hnuaia Aigupta ram ata a papâlin suaka an ife lam chu hiang hin a ni.

TÎRTÔNHAI SINTHO 7:36

Ama khan anni kha a hruai suaka, Aigupta rama, Tuipui Sena, ramchâra kum sômminli sûng dênin sinirkhêl le thilirkhêlhai tho’n Aigupta ram ata mipuihai a hruai suak tâka.

DÂN INHNINA 15:15

Aigupta rama khan suak nin nih ti kha inhre mai roi; Rengpa nin Pathianin suak nangni a insua a ni.

DÂN INHNINA 24:18

Aigupta rama nangni khom suak nin ini kha inhre mai roi; Rengpa nin Pathianin nangni a irtansuak a ni kha te; khasikin hi thu hi nangni ki ipêk a ni.

DÂN INHNINA 4:20

Nangni chu, Aigupta ram, thîr hâl inzôina meipui ata kha, nangni a la suaka, ama dongtum ni hrangin nangni a ihruai suak a ni, atûna nin iom ang hin.

DÂN INHNINA 4:34

Aigupta ram ata nin Pathian Rengpa khan a mi hrangin nangni a ihruai suak angin tu Pathianin mo hmun khat ata a mi hrang nam hruai suak ngai an iom? Nangni chu, nin Pathian khan, a sinthotheizia le irdoinahai inomtira; thilirkhêl le irsinsiana irkhêl tak tak a thoa; thil ichiom tak takhai an tungtir a ni kha te.

DÂN INHNINA 5:6

Rengpa khan hiang hin a ti: ‘Suaka nin omna Aigupta ram ata nangni hruai suaktu Rengpa, nin Pathian kha ki ni.

DÂN INHNINA 7:8

Rengpa khan lung nangni a thung tak tak sikin le nin pahai kuanga, a thu’nkung inpuihlingtir a nuam sikin Rengpa’n Aigupta rêng Faroa suak ata nangni a irtansuak a ni.

DÂN INHNINA 9:26

Rengpa kuanga khan ki chongchaia, O Rengpa pathian ni mi ni’rchon dong hranghai hi thatpai chit no ro, Aigupta ram ata roiinpui takin ni’rtansuaka, inhnê takin ni ihruai suak a ni kha te.

1 SAMUELA 12:6

Samuela’n mipuihai kuang, “Mosia le Arona inthangtu le Aigupta ram ata nin irchibulhai hruaisuaktu chu Rengpa a ni.