MIKA 6:14 - PATHIAN LEKHABU IRTHIANG C.L. Bible (BSI)

¹⁴ Fâk kha fa ni ta, khannisian khop no chi ni, ni phîng hong châm mai a ti, thilsia insa ni ta, inzôk ual thei no chi ni, ni inzôk sun khom irdoinaa siat a ti.

MIKA 6:14 ပူးပေါင်းရင်းမြစ်များ

ISAIA 30:6

Sim tianga ramsa chungchâng chu: Ram intak le ichiom, kâmkeibaknei nu le pa omna ram, rûlngannei le rûlvânkâi tamna rama, an irchômhai chu sakuartung an inpêltirhaia, a sumhai chu saringsei vuna an thuna. An irngeipui thei loihai nam an pêk hrang a ni.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

ISAIA 9:20

an chang tianga mihai huangin fâk an zonga, an phîng a la châm pehai mai ngai. An vei tianga mi khom an fâka, khop inhre ual mahai, an nâihai khom an fâka.

JEREMIA 48:44

Ichiom ata laizâm thotuhai kha khurpadopa tâk an ta, khurpadop rengata la hong suak nôkhai kha chânga khit an ta, Rengpa’n Moab siatchitna zoro ar fûktir sika khan.

EZEKIELA 5:12

Hmun thuma sena hmun khat chu hriin mani, châmin mani, nin laia mi thi an ta; hmun thuma sena hmun khat chu ni vêla khandaiin thi an ti; hmun thuma sena hmun khat dang chu thekindarhai zit ki ti, khandaiin irzûlhai thiai ki ti.

HOSEA 4:10

Fâk an ta chu khop no nihai, notizuar uar an ta chu pung no nihai, Rengpa ngaisakna an nei no sikin.

LEVI DÂN 26:26

Nin fâk irvaina inpingtir ki ta, lungthu sôm hmanga fâk le nêk suang nuhai khan lungthu inkhat vai hmangin fâk le nêk suang ta an ti. Sem viviat a ta, an dongtum an fâk zoi hnung khom an phîng la châm dên a ti.

HAGAIA 1:6

Tamtak nin songa, tômte nin inlût ngaia; nin fâka, khop ual mak chêi; nin ina, khop mak chêi; nin sila, lum ual hliak mak chêi; irhlo fâk khan zêp cheta tha hrang piala a ihlo a ni.

HAGAIA 2:16

Kha zoro lai murdi khan bu khamphulu sômhni irting thei ômtak buk khômnaa mi a hongin sôm vai a kâia; uain sômna hmun bûr sôm ringa thâl suak tuma a hongin, sômhni vai a lei irting ngai.