MIKA 6:12 - PATHIAN LEKHABU IRTHIANG C.L. Bible (BSI)

¹² khataka mi irchonghai kha manêpnain an sipa, khataka omhai khan milak an thoa, an bâi sûnga an milei kha huangna’n an ihmang a ni.

MIKA 6:12 ပူးပေါင်းရင်းမြစ်များ

INPÂKNA HLAHAI 120:2

O Rengpa, mi minlakhai le mi huangsiahai ata kha, Ki hringna hi inzôk roh.

INPÂKNA HLAHAI 35:20

Irngeina thu zel hril mahaia: Hi rama om chi chianhai huangna thuhai an suangtua ngai a ni.

INPÂKNA HLAHAI 78:36

Khannisianlân ama chu an bâiin an inpâk pa paia, An mileiin an kuang milak thu an insîr ngai.

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 3:8

Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

ISAIA 5:7

Itinrêng Rengpa irhuan chu Israel in sûng mihai hi an nia, Judai rama mihai hi a inhroihai tak chu an ni. Diktaka roirêl sabeiin, mi that an nuam ngaia, khannisian chardonga an khêk irhâi a hmu intamhai ta.

JEREMIA 9:8

An mileihai chu thal tûr nei hrât tak ang a nia; Itiklai khomin thudik loi an hril ngai. Tu mi khomin a tualbômhai kuang chu chonghoi a thoa, an rîl tâk khomin, ama ta hrangin chong a ikam pe a ni.

HOSEA 7:1

Israel indam ki tumin Efraima sualna a hong inlanga, Samari sualna le huang an uara, sûng tiang inru a hong lûta, pên tiang hrâtlâksong pâlin an roka.

HOSEA 7:13

An chung a rik e! ki kuanga irthokin an fe irhmang tâka, irhmangna an chunga a tung e! ki chunga tehel an zong tâka, keima’n chu ki saninhring nuama, anni rêkin chu milak an ni tho khuma.

AMOSA 2:4

Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin.

AMOSA 6:4

Sâiha zâlhmuna zâla, an toina sei chunghaia inthuanga, belra pâl laia belrate le sehrât omna lai ata sehrât tuaihai fâka;

ZEFANIA 1:9

Khan kha nikhuaa khan chu pathian dikloi chubai mûktuhai murdi le an hruaituhai, irhnuaisia irhlômtuhai le huangnaa siptuhai kha hrem ki ti.

ZEFANIA 3:3

A sûnga a hruaituhai kha kâmkeibaknei inrûm lai an nia; a roirêltuhai kha khohloi tianga ine an nia; a tûk dêna insoi hrang ite hôi mahai.

TÎRTÔNHAI SINTHO 24:9

Judahai khomin a hnôlna kha an lei thopa, khaang kha a ni an lei tia.

ROM KHUAA MIHAI KUANGA TÎRTÔN PAULA LEKHATHON 3:13

An hrok chu thân inhong a nia, An mileiin huangna thu an insîra, An hmûr ata mirûl tûr a suaka,