MIKA 6:11 - PATHIAN LEKHABU IRTHIANG C.L. Bible (BSI)

¹¹ Irtêna dikloihai le hmarsa rik dân dôhai leh khan irthiang ki ini hrang ma ni?

MIKA 6:11 ပူးပေါင်းရင်းမြစ်များ

THUVÂRHAI 11:1

Irtêna dikloi hmanghai chu Rengpa’n a hnôla; irtêna dik hmanghai chu a lôm ngai.

THUVÂRHAI 16:11

Vârna le irkhîna dik hi Rengpa nuamlam a nia; a ni, vârna tinrêng a idik hrang a ni.

THUVÂRHAI 20:10

Rengpa’n vârna le irkhîna dik loi hmang mihai chu a hnôl ngai.

EZEKIELA 45:10

Mi tinin irkhîna le neinun varna diktak chu an ihmang ngêt hrang a ni.

HOSEA 12:7

Kanaan-hai angin Israel khan vârna dik loi an leka, ihuang ringot a irzuk ngai a ni.

LEVI DÂN 19:36

Irtêna diktak, varna lung diktak, phalla diktak hmang ngai roi. Aigupta ram ata nangni hruaisuaktu Rengpa nin Pathian ki ni.

AMOSA 8:5

Bu kin zuar theina hrangin tha thar kha itika mo a ihek hranga, baidi bu ei zuar theina hrangin irngam nî kha itika mo a ihek hrang, titu; epha inchîntir kin ta, sekel inriktira, dikloi taka huangna irtêna hmanga;

ZAKARIA 5:8

Khanchu vântirtônin, “Hi nupang hin pualoina chu an entîr a ni,” a tia. Khanchu nupang kha bôm sûnga khan a nam inlût nôka, a sîng leh khan a sîng nôk tâka.

DÂN INHNINA 25:13

Nin hmarsaa varna lung, a rik ual le zâng ual dôn suam no roi.