MIKA 6:1 - PATHIAN LEKHABU IRTHIANG C.L. Bible (BSI)

¹ Rengpa thu’nsîr kha atûn hin irngai roi: thoiin lân, tâng lian makunghaia khan irsêlpuiin lân, tâng tehai khan nir hâi irngai ri sehai.

MIKA 6:1 ပူးပေါင်းရင်းမြစ်များ

INPÂKNA HLAHAI 50:1

Pathian, itinrêngthothei, Rengpa khan thu an sîra; Irnêng hi misa suakna ata a tâkna dênin a koia.

INPÂKNA HLAHAI 50:4

A mihai roi a rêl theina hrangin Chung tiang irvânhai le irnêng hi inhriatpuitu hrangin koi a ti.

ISAIA 1:2

Rengpa’n thu a hril hi, “Irvânhaio, irngai unglân, irnêng khom ni mikuar lei sung roh. Nâi le te kin fâhaia, kin liantirhaia, khannisian, an ni tehel pe zoi ta.

ISAIA 3:13

A mihai sual târinlang hrangin Rengpa ar siam ta, an chung thu rêl hrangin a ngîr ta.

JEREMIA 13:15

Israel mihaio, Rengpa’n a itong tâk kêng! Irngaiintôm takin irngai pe roi.

JEREMIA 22:29

O ram, o ram, o ram, Rengpa iti hi irngai ro:

EZEKIELA 36:1

Khan Rengpa’n, “Mihriam nâipa, Israel tânghai kuang khan thu hrilin lân, Rengpa Pathianin hiang hin a tih tiin hril ro:

EZEKIELA 36:8

Khannisian Israel tânghai chunga khan chu thingkunghaiin hna la nôk an ta, nangni ki mi Israelhai ta hranga hin ra insua nôk an ti. In tiang kîr nôk lat thei ta nin ti.

EZEKIELA 37:4

Khanchu ama’n, “Ruhai kuang hin thu hrilin lân, hi ru chârhai kuang hin Rengpa thu chu irngai roi tiin hril roh.

EZEKIELA 6:3

Israel rama tânghai, Rengpa pathian thu hi irngai roi. Rengpa pathianin tânghai le mualhai kuanga le irhôrhai le phâi irhôrhai kuang hiang hin a ti. Irngai roi, kei, keima ngei hin nin chunga khandai zuang inlek ki ta, millim biak irbôlna hmunhai chu insiat zit ki ti.

AMOSA 3:1

O, Israel nâihaio, Aigupta ram ata ki ihruai suak in sûngkuahaio, Rengpa’n hianga nangni a ihrilsiatna thu hi irngaitua roi,

MIKA 1:2

Nangni nam murdihaio, nin rêngin inhre unglân; O irnêng le a sûnga om murdihaio, irngai roi: Rengpa pathian, Rengpa kha a biak in irthiang ata nangni doiin nin chungthu inhretu ni ri se.

MIKA 1:4

Mei kôla khuaihlu ang le rôla chêntâk ang dênin, tânghai kha a hnuaia khan zôi an ta, irhôrhai kha hong kik chat a ti.

MIKA 5:15

Khan, thu irngailoi namhai chunga khan ninginmurna le milung kângna’n phuba lâkna puiinhlingtir ki ti.

MIKA 6:2

O tâng lianhaio, Rengpa sêlna kha irngai unglân, nangni irnêng irnghatsan dethaio, irngaitua roi. Rengpa kha a mihai leh an irsêla, Israelhai kha dem a ti.

LUKA 19:40

Ama khan a sâmhaia, “Nangni ki hril, hihai hi an dâihrekin chu hi lunghai lua hin an ikhêk suak hrang a ni,” a tia.

DÂN INHNINA 32:1

Irnêng le irvânhaio, ki thu hi nin mikuar sung unglân, ki thu hi irngaitua roi.

DÂN INHNINA 4:26

Jordan dung kâia nin va inei hrang ram ata kha thi zoi zit nin ti.

1 SAMUELA 12:7

Khasikin Rengpa makunga atûn ngîr unglân, Rengpa’n nin chunga le nin irchibulhai chunga thil a lei itho infel dang nangni sûtpui hi rong.

1 SAMUELA 15:16

Samuela khan Saula kuang, “Dâihrek ro, zânina Rengpa’n ki kuanga a thu insîr, nan hril ki ti,” a tia. Saula khan a kuang, “Nin sîr pe ro,” a tia.