MIKA 5:8 - PATHIAN LEKHABU IRTHIANG C.L. Bible (BSI)

⁸ Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta; kha khan a fe theng photin chu, a sirphaa, an pot thêra, a santu hrang khom tûte om mahai.

MIKA 5:8 ပူးပေါင်းရင်းမြစ်များ

IRPHUTNA 49:9

Juda hi kâmkeibaknei nâi ang a ni. Ki nâipa ni sa sê chu ni mâksan ta. A kûna, kâmkeibaknei angin an boka; kâmkeibakneinu angin tu’n mo nang a kai thoi ngam hrang?

INPÂKNA HLAHAI 104:20

Nangma’n inthim ni siama, zân a hong nia; Kha zoroa khan ramsa chi tinrêng an lêng suak ngai.

INPÂKNA HLAHAI 44:5

Nangma sikin a ni doituhai chu irtettir kin ta; Ni’rhming sikin a ni beituhai chu chîl chit kin ti.

INPÂKNA HLAHAI 50:22

Nangni Pathian irnghilhaio, hi hi irngaitua roi! khano’nchu nangni inpot chitna ki ti, nangni saninzôktu zel om no nihai.

THUVÂRHAI 30:30

kâmkeibaknei, ramsa laia a hrât tak le ite’n laizâm an inthotir thei loi;

ISAIA 5:29

An khêk irhâi khom kâmkeibaknei inrûm ang a ni, an sa sê lai chu inrûm pumin an irputpaia; tûte sut thei zât ni mah.

EZEKIELA 39:10

Ram kâra thing tua hrang an irkhôm nang no nia, ite rampui hnuaia irkhôm nang viat no ni. Râltukfam mâksana omhai kha an itua hrang a ni sikin. Anni longindartirtuhai le an neinun sampâr inrûktuhai chu, anni longindarhaiin an neinunhai leh pehai an ti,” Rengpa Pathianin a ti.

HOSEA 5:14

Efraima hrangin chu kâmkeibaknei ang, Juda hrangin chu kâmkeibaknei vânglai ang ki ini hrang a nia; keima, keima ngeiin kaithêr ki ta, fe ki ta, rotpui ki ta, sansuaktu tûte om no nihai.

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.

MIKA 4:13

O Zion nâinu, thoiin lân chîl roh: ni ke kha thîr angin siam ki ta, ni ke zapha hmorhai kha dâr angin ki isiam hrang a ni: khan, chi tamtakhai kha zêm phiar ni ti; an thil hlep Rengpa ta hrangin ser indang bîk ni ta, an sum kha irnêng pumpuia Rengpa ta hrangin ser indang ni ti.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

ZAKARIA 10:5

Sipaihaiin an râlhai lampuia dialdôka an ichîlhai angin, Juda mihai chu zoina changin la om an ti. Rengpa chu anni tiang a om sikin la doihai an ta, râlhai sakor chung chuang mihai ten khom lan hnêhai an ti.

ZAKARIA 11:6

(Khan Rengpa’n hiang hin a hrila, “Irnêng chunga mihai khu inkhat lua inrenhai ta no ning. Mi tin chu an roirêltuhai kuta pehai ki ta, kha roirêltuhai khan irnêng khu lan ram an ta; khanchu keiin anni chu an kut ata saninzôkhai no ning,” a tia).

ZAKARIA 12:3

Khannisian kha zoro kha a hong tung tena chu, Jerusalem chu lungpui riktak angin siam ki ti, tu nam khomin indompai a tuma ni’n chu, ama chu innatirin om a ti. Rammuala nam tin sipaihai chu ama doi hrangin irzomkhôm an ti.

ZAKARIA 14:18

Aigupta mihaiin kairêng kût chu an hmang nuam noa ni’n chu, nam tin ama biak nuam loituhai chunga Rengpa’n hripui a intungtir hrang kha an chunga intungtir pehai a ti.

ZAKARIA 9:15

Sipaihai Rengpa’n a mihai chu hrung a ta, Anni’n an râlhai chu lan boipaihai an ti. Irdoinaa zu inrui angin la khêk an ta, an râlhai thisen chu lan suaktir an ta; Irbôlna thisen berbu ata maichâma buaka a iom angin la luang a ti.

MALAKIA 4:3

Khan mi pualoi kha sirbe ta nin ta; nikhua ki isiam ngêt hrang nia chu nin kezapha hnuaia khan vâiphin ang dênin an ini ta hrang a ni, sipaihai Rengpa khan a ti.

NAMBAR 24:9

Hi nam hi chu kâmkeibaknei hrât tak ang a nia, a inin chu tûte’n kaithoi ngam ngai mahai. Israelhai satvurtu chu satvurin om a ta, Israelhai khuasâltu chu khosâlin om a ti,” a tia.

MATHAIA 10:14

Khan, kho khua khom nangni an pom noa, nin chong an irngai no’n chu marak unglân, nin ke bop kha nûlpai roi.

TÎRTÔNHAI SINTHO 18:6

Khannisianlân, Judahaiin an doia, an insîrinsiatin chu Paula’n a puan an thika, “Nin thi khomin nangni mophurna a ni ta, kei chu ki’rthiang ta. Atûn chu Jentailhai tiang irhei ta ki ti,” a tia.

HEBRAI toc2 HEBRAI 12:25

Thu’nsîrtu kha lei nuam loiin nin om loina hrangin irdîn roi. Irnênga thu lei insîrtu lua kha nuam maka, hremna zôk mah. Eini irvâna irthoka thu’nsîrtu hnung songhai len vâng chu hremna kha zôk thei viat no ih.

HEBRAI toc2 HEBRAI 2:3

Hiang dôra saninhringna roiinpui vâng hi te uksak loiin tho inlân, itin mo ei irbîk thei hrang? Hi saninhringna hi a phuta Rengpa’n an puanga, kha hnung ama inhriathaiin a dik tih an ni ifia pe nôk a ni.