Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MIKA 5:7 - PATHIAN LEKHABU IRTHIANG C.L. Bible (BSI)

7 Jakoba-hai mi la omsunhai kha chi tamtakhai laia Rengpa ata irdo tâk ang le hloisûl chunga rotho angin om an ta; kha khan mihriam nghâk maka, mihriam nâipasalhai ngaisak ual ma.

အခန်းကိုကြည့်ပါ။ ကော်ပီ




MIKA 5:7
40 ပူးပေါင်းရင်းမြစ်များ  

Khanchu Davida kha kho hmuna khom ei irtokpuina taka, irnênga irdo tâk ang dôrin doi ei ta; ama le a kuanga om murdihai kha inkhat lua hôihai no ih.


Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.


Hermon irdo’rfîm Zion tânghaia tâk ngai ang hi a ni: Kha khan Rengpa’n satvurna thu a pêka, Kumkhuaa hringna hrang chu.


Ama chu hloisûl irnoi chunga rua angin tâk a ta: Irnêng infâtu ruatui ang dênin.


Reng ningmurna chu kâmkeibaknei inrung ang kha a nia, a ditsakna rêk chu satvur rua ang kha a ni.


Chung tiang ata irtha kin sip tena chu ramchârna hmunhai chu ram hring chang ta a ti, theikung irnoi nutin om a ti.


Ramchârhai tui buak ki ta, ramna hmuna tui inluangtir ki ti. Ni’rchihai chunga ki’rtha sem ki ta, ni tû le ni nâihai satvur ki ti.


Rua le ivur chu irvân ata zuang tâk a nia, kîr ta loiin hnuai chunga hin a irhmang zoi a ni, Chîmu ru chu a hong incher suaka, an thektu’n ra tamtak lakhôm theina a ni.


Annihai kha irsinsiana inentirhai ki ta, an laia senkhat chu hôihai ki ti, nam dang laia, Tarsis, Pul,. Luda haia tîrhai ki ta, thal kâp theihai chu Tubala, Javan-hai chômbung hlataka ki’rhming lan hre ngai loihai laia le ki roiinpuina la hmu loihai laia tîrhai ki ta, nam tinrêng laia ki roiinpuizia lan puang an ti.


Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.


Aniachu, irngai ta, khataka omsun hruaisuak hranghai chu mâkin om an ta, an nâinuhai le nâipahai khom; irngai ta, nin kuanga hong suak an ta, an omdân le an sinthohai hmu nin ta, khan, Jerusalem chunga thil saloi ki zuang intung thua khan irtharngamin om nin ta, a chunga ki zuang intung tâk murdi thua khom.


Khanchu, mihriam khan biakbuk lûtna khan a ni hruai nôka, khanchu irngai ro, tui chu a lûtna hnuai ata kha suakin biakbuk nghana tiang nisua tiang khan a luanga. Khan tuihai chu sim tiang panga biakbuk hnuai tiang ata kha sim tiang panga maichâm omna tiang khan a luanga.


Rengpa pathianin hiang hin a ti, “Hi hi Jerusalem chu a ni, namhai laia khan ki siaa, a vêla ramhai a oma.


Khan thuthung chunga dik loina sual thotuhai chongbâi hoina khan insiat ni an ta, khannisian mi an Pathian inhretuhai chu det an ta, thil tamtak tho thei an ti.


Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.


Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.


Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.


Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.


O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.


O Zion nâinu, thoiin lân chîl roh: ni ke kha thîr angin siam ki ta, ni ke zapha hmorhai kha dâr angin ki isiam hrang a ni: khan, chi tamtakhai kha zêm phiar ni ti; an thil hlep Rengpa ta hrangin ser indang bîk ni ta, an sum kha irnêng pumpuia Rengpa ta hrangin ser indang ni ti.


Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.


Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.


Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta; kha khan a fe theng photin chu, a sirphaa, an pot thêra, a santu hrang khom tûte om mahai.


Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.


Israel mi la omsunhai khan pualoina tho no nihaia, milak tho sa no nihaia, An bâia khom huangna chong om ual hliak no nia: an fâkin zâl an ta, tûte’n inchitir ta no nihai.


Kha nikhua kha a hong tung tena chu, Jerusalem ata tuihringhai hong suak a ta, a chimrip chu Tuipui Thia luang lût a ta, a chimrip dang chu Mediteranean tuipuia lût a ti. Kumtuangin luang a ta, fûra khom, sâla khom.


Juda chu sipaihai kuta sâihli angin hmang ki ta, Israel chu thal angin hmang ki ti. Zion mihai chu Grik mihai doi hrangin khandai angin hmanghai ki ti,” a tia.


Khanchu, hmun tina mihai kuang fe unglân, ki irchutirhaiin siam unglân, Pa le Nâipa le Irtha Irthiang irhmingin baptis-hai unglân,


Thu chu ki hong insîr phuta, Irtha Irthiang chu, a phuta kin chunga a zuang itung ang dênin, an chunga a zuang tung ta.


Paula le Barnaba khan hâi takin, “Pathian thu hi nangni kuang hril masa hrang rêng a ni; khannisianlân, nin hnôla, kumtuang hringna nei zel loia nin irngai hnung chu inhre roi, Jentailhai tiang irhei kin ti.


Khan, kha ni zâna khan Paula’n inlârna’n Makedonia rama mi inkhatin, “Makedonia rama hong kâiin lân, ni hong san roh!” tia ngênin a hmua.


Rengpa khan, “Fe chian roh, hi pa hi Jentailhai, rênghai le Israelhai kuang ki’rhming pe lûttu hranga ki mi inkung kêng a ini.


Isaia’n chu hâi nôk ualin: “Ni zong loihaiin an ni hmua, Ni’rlamloihai kuang ki inhriattira,” a tia.


Khaang khan, an tûk luan rammual irchongna a nia, an hlosamna man Jentailhai irchonga a niin te, an hong kop irkip tena len vâng chu itin tak mo a ini hrang tâk!


Imo ei insîr hrang tâk? Jentail thiam chang tum ual loihai chu thiam inchangtir an hong ni ta, iamna sika thiam changna kha.


Keima’n ki phuna, Apolova’n tuiin an fâa, khannisianlân Pathianin a irsôntir a ni.


Ki’rchutirna hi rua angin tho a ta, ki thu hi irdo angin tâ a ti. Hloisûl irnoi chunga rua ang le sûlhnâ chunga rua tui angin:


Gideona’n Rengpa kuang, “Israel mihai sansuak hrangin hmang ni ni nuamin chu,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ