MIKA 5:3 - PATHIAN LEKHABU IRTHIANG C.L. Bible (BSI)

³ Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

MIKA 5:3 ပူးပေါင်းရင်းမြစ်များ

1 RÊNGHAI 14:16

Israelhai chu Jeroboama’n a hruai sualhai sikin, Rengpa’n chu masanhai a ti,” a tia.

2 THURCHI SUINA 30:7

Nin pahai le nin uhai nin irchibulhai Pathian Rengpa ata an ilêng inchâi ang khan tho ta no roi, nin ihmu angin a sân deng an ithei a ni kha.

INPÂKNA HLAHAI 67:3

O Pathian, mi tinin nang inpâk ri sehai; Mi tinrênghai khan nang inpâk ri sehai.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

JEREMIA 23:5

Khan Rengpa’n, “Davida irchia mi fel, rêng chang hranga kin thang zoro a hong itung thiai a ni. Rengin vâr takin sintho a ta.

JEREMIA 31:1

Kha zoiin chu keima hi Israel in sûngkua murdihai Pathian ni ki ta, anni khom ki mihai ni an ti, Rengpa thu suakin a ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HOSEA 2:14

Khasikin, irngai ta, inthêm ki ta, ramchâra hruai ki ta, irngai om ang takin ama kha chongpui ki ti.

HOSEA 2:9

Khasikin, ki bu kha a ât zoroa, ki uain khom kha a sôm zoroa la kîr nôk ki ti. ki samul le ki pat, a bomboina irkhûna hrang kha, lapai pe ki ti.

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

MIKA 4:4

Mi tinhai kha an grep kung hnuaia le an theipui kung hnuaia toi ual an ta; tukhomin chi no nihai: Sipaihai Rengpa bâia khan an sîr tâka.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

MIKA 5:7

Jakoba-hai mi la omsunhai kha chi tamtakhai laia Rengpa ata irdo tâk ang le hloisûl chunga rotho angin om an ta; kha khan mihriam nghâk maka, mihriam nâipasalhai ngaisak ual ma.

MIKA 5:8

Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta; kha khan a fe theng photin chu, a sirphaa, an pot thêra, a santu hrang khom tûte om mahai.

MIKA 6:14

Fâk kha fa ni ta, khannisian khop no chi ni, ni phîng hong châm mai a ti, thilsia insa ni ta, inzôk ual thei no chi ni, ni inzôk sun khom irdoinaa siat a ti.

MIKA 7:13

Khaang dôra khom khan ram kha, a sûnga lênghai sik le an thiltho ra sika khan inramtir ni an ti.

ZAKARIA 10:6

Juda mihai chu inhrâttirhai ki ta, Israel mihai chu saninzôkhai ki ti. An chunga lungkhamna nei ki ta, an rama hong hruai kîrhai nôk ving ki ti. Anni chu ki lei ihnôl tâkhai angin om no nihaia, Kei Rengpa an Pathian hin an chongchainahai chu zuang sâm ki ti.

MATHAIA 1:21

Nâipasal nei a ta, ar hming Jisua phua ni ti, Ama khan a mihai kha an sualhai ata a isaninhring hrang a ni,” a tia.

MATHAIA 12:50

Tukhom ka Pa irvâna mi nuamlam thotuhai hi ki urênghai, ki farnuhai, ka nuhai an ni,” a tia.

MATHAIA 25:40

Inlaltak khan, ‘Thudik nangni ki hril, hi ki urêng chîntehai laia inkhat chunga nin itho hi, ki chunga nin itho a ni,’ tiin la sâm a ti.

ROM KHUAA MIHAI KUANGA TÎRTÔN PAULA LEKHATHON 8:29

a lei inhriathai kha ama Nâipa ang taka om hrangin a lei inkunga; khanchu, a Nâipa chu urêng tamtak laia nâi lutîr tak a hong ini hrang a ni.