MIKA 5:13 - PATHIAN LEKHABU IRTHIANG C.L. Bible (BSI)

¹³ Nangma ata ni millim siam chophai le ni lungphunhai kha inboipai ki ta; ni kut suak thil kha biak ta no chi ni.

MIKA 5:13 ပူးပေါင်းရင်းမြစ်များ

ISAIA 2:18

Kha ni tena chu Rengpa vai hi chôiindôm ni a ti. Millimhai chu om ta no nih.

ISAIA 2:8

An rama khan millim a bita, An kuta an isinhai chubai an mûka.

ISAIA 27:9

Nam dang maichâm lunghai chu, chinai lung angin an suk khoia, Aseri irlim le lung danghai an pai ving zoi hnunga, Israelhai sualna chu ngaidam ni a ti.

EZEKIELA 16:41

Ni inhai chu meiin hâl an ta, nupang tamtak mithmua ni chunga roirêlna intung an ta, ni ihur hi inboi ki ta; ni irditpuihai chu thilpêk pe nôk thei ta no chi ni.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

EZEKIELA 37:23

Anni chu millim leh ite porinche ta no nihaia, sualhai tho’n mani le mâni porinchein om ta no nihai. An lei sualna lampui murdihai ata le an lei ihnôlnahai ata kha insuahai ki ta, anni chu ki mihai ni an ta, kei chu an Pathian ni ki ti.

EZEKIELA 6:9

Nin laia khaanga thi loihai chu sala man ni an ta, ram tina hruai indarh zit an ti. Nam dang laia an irthekindarh hnunga chu nin hresuak an ti, an millim tianga a ni irheisanna ki insiat penahai kha inhriat an ti, khan an thil porinche tho insual murdi, an mâni mithmu ngêta an lei itho tâk thua khan intirom an ti.

HOSEA 10:2

A sûngril kha irsentirin a oma, atûn chu thiamloi changin om ta an ti. An maichâmhai kha Rengpa’n zêm insim a ta, an lung incher phunhai kha insiat a ti.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

NAHUMA 1:14

Rengpa khan ni chungchânga thu a pêka, nir hming irput hrang irchi nei no chi ni. ni pathianhai in ata millim siam chop le millim sûnhai kha inboipai ki ta; ni thân siam ki ta; ni sual sikin,” tiin.

ZEFANIA 1:4

Judahai le Jerusalem luatuhai murdi chunga ki kut irlek ki ta; hi hmun ata hi Baal la omsunhai, Kemarim irhming kha ochaihai le ileh,

ZAKARIA 13:2

Kha tena chu keiin hi ram sûng ata hi millimhai irhming chu inboipai ta ki ta, tukhomin anni chu inhre mai ta no nihai. Deipua irtipu kai chu sâtthâkhai ki ta, millim biak nuamnahai chu lapai pehai ta ki ti.

THUPHUANG 9:20

Mihriam, kha hremnaa that banhai khan an kut sinthohai ata irlet ual mahaia; ramilhli hai, rângachak millim hai, sum millim hai, dâr millim hai, lung millim hai, thing millim hai, ite hmu theiloi, inhretheiloi le fe theiloi hai biak kha ma mahai.

ROIRÊLTUHAI 18:17

Mi ringa ram envêltuhai chu kha ina khan an lûta; khan ochai chu mi irzaruk irdoina tukfam irbelhai laia mikot bula khan a ngîra.