MIKA 4:9 - PATHIAN LEKHABU IRTHIANG C.L. Bible (BSI)

⁹ Itho sika mo ni ichap rak rak? Ni sûnga inlaltak a iom loi ma ni, nang an kung petu a ithi mani ta, nupang nâiha anga natna’n nang a ikop tâk ma ni?

MIKA 4:9 ပူးပေါင်းရင်းမြစ်များ

ISAIA 13:8

Irtha’nvâiin intakna tuang an ti, nâiha ise angin inhrûm an ti; an ichina an hmuin chu irzakpui irhlôm an ti.

ISAIA 21:3

Khasikin kin thinga nâiha isê angin ki konghai hi a na zoi ta, kûn pumin ki oma, ite inhre ta ma ung. A ni sirpha saa ite inhre thei ta ma ung.

ISAIA 26:17

Nupang nâihâ isê anga tuangin, Rengpa ni makunga kin om.

JEREMIA 22:23

Lebanon ata nin zuang ichôi sidar ina hoi riamin nin oma; nâiha isê anga natna nin chunga a hong tung tena chu nin inrunga, natinsat hrang tâk chu na!

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

JEREMIA 4:21

Idôra sôt mo irdoi hi ki la ihmu maiin, Bekul tum irhâi ki la inhriat hrang?

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 48:41

khopuihai le kulhai chu lâk ni a ta, kha nikhuaa khan chu Moab sipaihai chu nupang nâiha isea chardong angin om an ti.

JEREMIA 50:43

Babulon rama rêngin an thurchi a len hriata, a kuthai chu a’rzal zoi tâka. Lungzîngna’n a dea, nupang nâiha isê angin natna khan a chela.

JEREMIA 8:19

Ram dang le kha ki mihai chapna ki inhriat hi irngai roi. “Zion-a Rengpa chu a iom ta loi ma ni? Khatak khan Zion rêng chu a iom ta loi ma ni?” Rengpa an rêng khan a sâma. Ni millimhai chubai mûkin; nin ram dang pathian hmanghmunboihai makunga lu kûnin, “I lo hrang mo ki ning nin inmurtir,” a tia.

CHAP HLA 4:20

Rengpa sahriak pol kin isong tak khom an chângkama a khita, ama le irrualin nam dang laia khom, om kin ti chu kin tia.

HOSEA 10:3

“Reng taktak chu nei mak me, Rengpa chu chi mak mea; kha rêng khan imo a ni itho pe thei hrang?” tiin, atûn hin chu hril ngêt ta an ti.

HOSEA 13:13

Nupang nâiha irvei chardongna ang kha a chunga zuang tung a ti: ama kha nâipa vâr loitak a nia, a zoro taka nâi hong suakna hmuna om mah.

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

JOHANA 16:21

Nupangin nâihâ a tuang laiin chu a sân a char a dong ngaia, a zoro a tung tâk sikin; khannisianlân, nâi a neiin chu a chardong kha inhre ta mah, rammuala mihriam zuang suak kha a lôm sikin.

THUPHUANG 12:2

Kha nu khan nâi a vonga, nâiha sein a khêka.