MIKA 4:7 - PATHIAN LEKHABU IRTHIANG C.L. Bible (BSI)

⁷ Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

MIKA 4:7 ပူးပေါင်းရင်းမြစ်များ

INPÂKNA HLAHAI 2:6

Rengpa’n “Keima ngeiin ki tâng irthiang Zion-a khan, Ki rêng inthang chu ki intoitir a ni ta,” a tia.

ISAIA 16:5

Khanchu rêngtoihmun kha chu, inren irhlômna pungin om a ta, kha ina Davida puan ina khan, mi inkhat roirêlin, roirêlna fel zongin, thil fel inrangtaka thoin, toi a ti.

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 6:13

Sôma inkhat irang maiin pe khom sian ite a’rfêna om no nia, Sesua le thing irkit zoia a bula a’rzung la om ang hi ni a ta. Ama kha irchi irthiang bul chu a ni,” a tia.

ISAIA 60:22

An nam laia a chîn le tômtak chu nam roiinpui tak la ni an ti. Keima Rengpa hin a zoro taka tho lat ki ti.

ISAIA 66:8

Khaanga thil kha tu moh inhriat ngai? Tu moh a lei hmu om tâk? ramhai hi sûn khat kâra a iom thei ma ni? Nam khom hi a hong isuak thut thei moh nin isôn? Zion khua hin chu a hor vei phut chak a nia, nâipasal a nei zôia.

EZEKIELA 43:7

keima kuang, “Mihriam nâipa, hi hi ki rêngtoihmun le ki ke irnghatna a ni, Israel irchihai laia kumkhontuanga ki omna hrang chu a ni. Israel insûng mihaiin ki’rhming irthiang chu porinchetir ta no nihaia, anni khomin an rênghai khom an hurna’n mani, an irbôlna haia, an rênghai mâk khomin porinchetir ta no nihai.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

JOELA 2:32

Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.

JOELA 3:17

Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

OBADIA 1:21

Zion tânga khan Esaua tâng rêl pe hranga sansuaktuhai hong kâi an ta; Khan, ram kha Rengpa ta ni a ti.

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.

MIKA 2:13

Suk thengtu kha an matona hong a fea; an suk thenga, mikot dênin an fe thiaia, khataka khan an ife suak a ni; khan, an rêng kha an maton tiang a fea, Rengpa khan an maton a hruaia.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

ZEFANIA 3:13

Israel mi la omsunhai khan pualoina tho no nihaia, milak tho sa no nihaia, An bâia khom huangna chong om ual hliak no nia: an fâkin zâl an ta, tûte’n inchitir ta no nihai.

ZEFANIA 3:20

Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.

LUKA 1:33

Jakoba irchihai chunga Rengin om a ta, an laia a ramin mong nî nei no ni,” a tia.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.