Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MIKA 4:3 - PATHIAN LEKHABU IRTHIANG C.L. Bible (BSI)

3 Khan, ama khan chi tamtak kâra roirêl a ta, hlataka nam hrât tak khom halirchu a ti; khan, an khandaihai kha âlkaina hmor irzumhai incher an ta, an ufeihai kha thei kunga tanna chem kolhaia incher an ti: nam dangin nam dang chunga khandai irlek ta no nihai, irdoi dân khom irchu ual ta no nihai.

အခန်းကိုကြည့်ပါ။ ကော်ပီ




MIKA 4:3
40 ပူးပေါင်းရင်းမြစ်များ  

Dâihrek unglân, Pathian ki nih ti hi inhre roi: Nam tin laia chôiindômin om ki ta, irnênga hin chôiindômin om ki ti.


Ama’n chu irdoinahai kôlkung dênin an boitir ngaia; Thal ngul chu a khiaka, ufei chu a sât inbong ngaia; Tâlihai chu meia a rô irhmang ngai.


Tâng lian le tâng chînhai hin felna’n mihai kuang irtharngamna zuang intung an ti.


A hring lai khan mi felhai chu indôn nut nut an ta, Irtharngamna irkhêl tak chu indôn nut nut sa a ta, tha a boi mâka chu.


O Pathian, thoiin lân, irnêng roi hi rêl ro: Nam tinrêng hi ni ta an ni.


Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.


Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.


Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.


Khanchu nam hrâthaiin, nan pâk an ta, Nam sualhai omna khua tinin nang chi an ti.


Kin hnêna hrang zoro anai ta, keima ngêtin ki mihai chunga roirêl ki ta, ramhaiin ni thîr an ta, ki kut nghâk an ti.


Ni sintho nuam loi nam le ramhai chu siat an ta, irhmang ving an ti.


Inê le kêlbelra hmunkhatin om an ta, kâmkeibaknei khomin sehrât angin fapôl fa a ti. Mirûlhai khomin nêngpil hi bu’n ngam an ti. Ki tâng irthianga khan, thil saloi le natnahai om ta no ni, Rengpa’n a ti.


A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.


Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.


Kha nikhua khan ramsahai, chunglêng vatehai, irnênga thilhringhai leh an ta hrangin thuthung siam ki ta; thal ngulhai khandai mani le irdoinahai hi irnênga irthokin irhmangtir ki ta, hoi takin inom hmunkhattir ki ti.


Iamomna’n ki ta hrangin hual ki ta, khanchu Rengpa kha inhria ni ti.


nam murdi buk khôm ki ta, Jehosafata irhôra hruai ki ti. Ki mi, ki’rchon dongtum Israel chunga an thiltho sikin an chungthu rêl ki ta; ram danga ki mihai an indartira.


Khan, thu irngailoi namhai chunga khan ninginmurna le milung kângna’n phuba lâkna puiinhlingtir ki ti.


Khanchu Rengpa chu fe suak ta a ta, matona a idoihai ngai ang khan nam tinhai chu doihai ta a ti.


Khan Sipaihai Rengpa’n, “Khopui tamtakhai rengata Jerusalema mihai zuangna hrang zoro chu anai ta.


Khan Rengpa’n hiang hin a hrila, “Irdoina sakor tâlihai chu Israel rengata sonpai ki ta, Jerusalem ata sakorhai chu lapai ki ta, Irdoinaa sâihli hmanga omhai chu lan siatpai ki ti. Nam tinhai laia ni rêngin irngeina la siam a ta; Tuikhanglian ata tuikhanglian dênin roi la rêl a ta, Eufrates dung ata irnêng mongna tena,” a tia.


Nikhua a khita, kha nia khan a mi phuntu kha rammuala mi murdihai roi dik takin inrêltir a ti. Kha thu kha chu Pathianin ama kha thina irthoka kaithoiin mi murdi kuang an hriattir ta,” a tia.


Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.


Rengpa doituhai chu koi irnôi chit an ta, Irvân ata khonri’n doi a ti. Rengpa khan rammual pumpui chunga roirêl a ta; a rêng kha hrâtna pe a ti. A hriak irthu ngai hrâtna kha chôiirsâng a ti,” a tia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ