MIKA 4:11 - PATHIAN LEKHABU IRTHIANG C.L. Bible (BSI)

¹¹ Atûn nam tamtak nangma doiin an irbuka, porinchetirin om sianlân, ei mit hin Zion chunga a irzuk lam kha hmu ri se, an tia.

MIKA 4:11 ပူးပေါင်းရင်းမြစ်များ

INPÂKNA HLAHAI 129:5

Zion hnôltu murdihai chu Mualinphoi le laizâm tho’n om ri se.

INPÂKNA HLAHAI 83:5

Thu irrualin an irti irhlôma; Ni chunga a siat lama, tho hrangin chong an inkunga.

ISAIA 10:7

Kha vai khan a ruk ti loiin, nam dang omhai irhmangtir a tuma, hôi viat loia thathai ving a inuam a ni.

ISAIA 17:12

A mipui tamtak irhâi, tuikhanglian irhâi anga om le nam tina an khêk irhâihai chu tuilian irhâi anga omhai chu na!

ISAIA 29:7

Jerusalem doi hranga nam dang sipaihai chu, a kul irhuala dengintheituhai chu, zâna irmanga thil ei ihmu angin hek nôk an ti.

JEREMIA 52:4

Zedekia an lal kum kuak tha sôm le sûn sôm nî chu, Babulon rama rêng Nebukadnezara chu sipai murdi leh Jerusalem doi hrangin a hong irthoka, khopui pên tiang riak hmun an sina, an omna irhualin bang an sunga,

EZEKIELA 26:3

Khasikin atûn, kei Rengpa Pathian hin hiang hin ki iti a ni. O Tura khopui kei chu ni râl ki nia, nang a doi hrangin nam tamtakhai tuanghai ki ta, anni chu tuipui irsok angin hong suak an ti.

EZEKIELA 38:17

Nangma chungthu ngêt hi matona khan ki lei hrila, ki sinthotu Israel deipuhai hmangin ki lei inpuang lai khan Israel doitu hrang mi inkhat hong hruai ki ti, ki lei tia,” Rengpa Pathianin a ti.

OBADIA 1:12

Aniachu ni urêngpa siatna a tong nî khan thîr no’n lân, Juda nâihai chunga an irhmang ni khan râiinfân no’n lân; intak an tong ni’n lârirpâk takin chong ual no roh.

MIKA 7:10

Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.

ZAKARIA 12:3

Khannisian kha zoro kha a hong tung tena chu, Jerusalem chu lungpui riktak angin siam ki ti, tu nam khomin indompai a tuma ni’n chu, ama chu innatirin om a ti. Rammuala nam tin sipaihai chu ama doi hrangin irzomkhôm an ti.