MIKA 4:10 - PATHIAN LEKHABU IRTHIANG C.L. Bible (BSI)

¹⁰ O Zion nâinu nupang nâiha ise nâi nei hrang angin a na tuangin lân, irvei ro atûn khopui ata fe suak ni ta, rama om ni ta, Babulon ten khomin a ife hrang a nia; kha khan sansuakin om ni ta, kha khan ni râlhai kut ata Rengpa khan nang sansuak a ti.

MIKA 4:10 ပူးပေါင်းရင်းမြစ်များ

2 RÊNGHAI 20:18

Nangma inei ngei, ni nâipasalhai chel an ta, an til la pehai an ta, Babulon rêng sintho pe ta an ti,” a tia.

2 RÊNGHAI 25:4

Khua an irkulna bang chu an inseta, Babulon haiin irhualhai khomsian sipai le rênghai zâna an suak tâka. Reng irhuan kôla an fea, kulbang inhni kâra mikota an suaka, Jordan tui panin an intân tâka.

2 THURCHI SUINA 33:11

Manasea chu an chela, zîngziri hrui leh an vîka, Babulon-a thîrhrui leh an kaia.

2 THURCHI SUINA 36:20

A thi zoi loihai chu Babulon-a a hruaihaia, ama le a rualhai chu suaka, Persia hai an hong tung dênin an oma.

2 THURCHI SUINA 36:23

“Hi hi Persia rêng Kura thupêk chu a ni. Rengpa, irvân Pathianin rammual pumpuia roirêltu mi a siamhaia. Judai ram le Jerusalema hrang tempil sin hrangin a ni tia. Khasikin, Pathian mihaio, nin rêngin kha khan fe roi, nin Pathian Rengpa’n nangni ompui ri se,” tiin.

INPÂKNA HLAHAI 106:10

Anni khôkmâktuhai kut ata a sansuak tâka; An râlhai irchamneina ata a sansuakhai tâka.

ISAIA 43:14

Nangma irtantu Israel mi irthiang, Rengpa’n hiang hin a ti: “Nangnihai sikin Babulon doi hrang mi tîr ki ta, an kul kalnahai chu suk insiat pehai ki ta, Kaldaihai chu chap khub khub an ti.

ISAIA 45:13

Râl a hong lianin chu Kura chu ki tumna lam tinrênga changpui ki ta, ki khopuihai indingtir nôk a ta, lômman pe ual nuam loiin irtanna man pêk khom nuam no ni. Ki mi, sala omhai insuahai a ti,” tiin Itinrêng Rengpa’n a ti.

ISAIA 48:20

Babulon khua ata fesuak unglân, Kaldai ram hi rotsan roh. Râifân taka khêkin ki thu hi inpuang unglân, hmun tinrênga hril mai roi, Rengpa’n a siahlo Jakoba chu ar tansuak ta,’ tiin khêk roi.

JEREMIA 13:4

“Eufrates vadunga fe’n lân, lung ir-ônga ni diar kha thup ro,” a tia.

JEREMIA 15:21

Mi sualhai le nunterhai kut ata nang saninsua ki ti, keima Rengpa hin ki iti a ni,” tiin.

JEREMIA 29:20

Babulon rama intâng hranga nangni ki itîrhai, nin rêngin keima Rengpa’n ki insîr hi irngai roi,’ a tia.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 48:41

khopuihai le kulhai chu lâk ni a ta, kha nikhuaa khan chu Moab sipaihai chu nupang nâiha isea chardong angin om an ti.

JEREMIA 52:27

Hamath ram hual sûnga om Ribla khuaa khan a fepuia, kha khan rêngin anni chu dûk a thoa, a that tâka. Khaangin Juda mihai chu sala intâng hranga hruaiin an om tâka.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

HOSEA 13:13

Nupang nâiha irvei chardongna ang kha a chunga zuang tung a ti: ama kha nâipa vâr loitak a nia, a zoro taka nâi hong suakna hmuna om mah.

HOSEA 2:14

Khasikin, irngai ta, inthêm ki ta, ramchâra hruai ki ta, irngai om ang takin ama kha chongpui ki ti.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

THUPHUANG 12:14

Khanchu, nupangnu kha dragon tôn phâk bana, kum thum le a chimrip sûng enkola a omna hrang ramchâr tiang a vuang theina hrangin irmupui lianpa mitha kianghniin an pêka.