MIKA 4:1 - PATHIAN LEKHABU IRTHIANG C.L. Bible (BSI)

¹ Khannisianlân, nikhua hnungkhônhaia chu hiang hin ni a ta, Rengpa nin omna tâng kha tâng lian chunghaia khan indetin om a ta, tâng tehai chunga khan chôiirsângin om sa ti; kha khan chi tinrênghai kha fe mur mur an ti.

MIKA 4:1 ပူးပေါင်းရင်းမြစ်များ

IRPHUTNA 49:1

Khan Jakoba’n a nâihai chu a koihaia, “Sûn hnungkhôn tianga nin chunga thil hong tung hrang nangni ki hril theina hrangin irkoibuk roi,” a tia.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 48:1

Rengpa chu a roiinpuia, a saterenga inpâk hrang a ni, Ei Pathian khopuia, a tâng irthianga khan.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

ISAIA 27:13

Kha tena chu bekul liantak tum an ta, Assuria rama irhmang tâkhai le Aigupta an imâkhai chu hong kîr an ta, Jerusalem tâng irthianga khan Rengpa chubai mûk an ti.

ISAIA 43:6

Suak ving hrangin hmâr tiang hrilhai ki ta, kalkhumhai hrai loi hrangin sim tianga omhai hrilhai ki ti, ki nâipasalhai ram hlatak ata hong hruai unglân, ki nâinuhai kôlkung ata hong hruaihai roi.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 54:2

Ni puan in hmun chu irzatirin lân, ar khûna khom inzarin lan, indîn no ro, inhroi loiin, a thungna hruihai khom inseitirin lân, a khitnahai khom indet khak roh.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 31:12

Râifân taka khêkin Zion tâng sîpa hong an ta, Rengpa satna sikin an hmêl raifân takin om a ti. Buhai, uainhai, hriakhai, belra le sahai sikin lôm an ta. Anni chu inhnê taka tui leh buak ngai irhuan ang ni an ta, an chardong ta no ni.

JEREMIA 48:47

Khan zoro la hong hranga chu Rengpa’n Moab ngîrhmun siam insa nôk a ti. Hihai hi Rengpa’n Moab chunga tung hranga a iti chu a ni.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

EZEKIELA 40:2

Pathian thil lei hmûna sikin Israel rama a ni hruaia, tâng irsângtak sim tianga khopui hoitak ki hmua, kha khan a nin sum tâka.

EZEKIELA 43:12

Hi hi nin dân hrang chu ni a ti, tâng sîp chunga a ihuap za chu hmun Irthiang tak ni a ta; irngai ro, hihai hi nin dân chu ni a ti,” a tia.

DANIELA 10:14

Sûnmaton tianga ni mihai chunga thil hong tung hrang inhriat theina nei hranga zuang ki ni: inlârna chu sûnmaton tiang a la ini hrang a ni,” a tia.

DANIELA 2:28

khannisian thil irthup inpuangtu Pathian chu irvâna a oma, rêng Nebukadnezara hi thil la hong om hrang a inhriattir nuam a ni hi te. Ni’rmang le ni zâlhmuna inlârna omzia chu hiang hin a ni.

DANIELA 2:35

Khanchu, thîrhai le pil, dâr, sumru le rângachakhai a rêngin a koidara, misa lum laia hruizôla bu’rsi angin an om tâka: phâivua’n a sêm indarhaia, an omna hmun inhriat thei ni ta ma: millim deltu lung chu tâng liantak a chang tâka, irnêng a sip zita.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

DANIELA 7:22

kumkhontuang pa a honga, roirêlna chu inchungtaka mi irthianghai kuanga pêk a ni ta, mi irthianghaiin ram an dongtum zoro a hong phâk mân an hnêa.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

ZAKARIA 14:10

Khan ram murdi, hmâr tianga Geba ata sim tiang Rimon dênin inchamtir nih a ti. Jerusalem chu a kôlvêla ramhai chunga tôt a ta, khopui chu Benjamina mikot ata a kila mikot ten, inmâna mikot omna hmun le, Hananela in irsâng ata kha rêng uain sômna khur ten kha phâk a ti.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

TÎRTÔNHAI SINTHO 2:17

Pathianin, ‘Sûn hnungkhôna chu hi hi la tho ki ti: Mi murdi chunga Irtha la buak ki ta, Nin nâipahai le nin nâinuhaiin ki thu lan sîr an ta, Nin ruathartehaiin inlârna la hmu an ta, Nin tarhaiin irmangin phan an ti.

HEBRAI toc2 HEBRAI 1:2

Khannisianlân, sûn hnungkhônhai hin chu ei kuanga a Nâipa thu an sîr ta. Amaa khan Pathianin irnêng le irvân a siama, khabana ama kha sûn hnungkhônhaia chu thil tinrêng dong zit hrangin a iphun a ni.

2 PETERA toc2 2 PETERA 3:3

Sûn hnungkhôna chu hmusitpuhai, mâni irzukna ang taka omhai hong suak an ti, ti inhre masa roi. Hmusit tak takin,

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 15:4

Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.