MIKA 3:5 - PATHIAN LEKHABU IRTHIANG C.L. Bible (BSI)

⁵ Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

MIKA 3:5 ပူးပေါင်းရင်းမြစ်များ

THUVÂRHAI 28:21

Theibîk nei hi dik mah. Roirêltu senkhat chu a chînte thilpêk inrûk hmûna hrang sikin tho’nsual an ti.

ISAIA 3:12

Ki mihai hrungtu chu nâipang an nia, nupanghaiin an chunga roi an rêla; an ihruai irhmangtir a ni, fena hrang lampui inhre loiin, nin ibuai a ni ta.

JEREMIA 23:27

An pahaiin hnung an ni songsana Baal tiang an irnghat tâk ang kha, irmang an ihrilfiana khan ki mihai chu ki mihai irnghiltir thei hrangin an ni iiam a ni.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JEREMIA 6:14

Ki mihai sâbe tuang uksakhai loiin, ‘A dam ta,’ an tia, la dam loihai khom kha,

JEREMIA 6:4

Jerusalem doi hrangin irsiam roi! irtûng unglân, sûn laitaka ei idoi hrang a ni! la ti an ti. Khannisian, “An hnung hrai tâk, sûn a hek hrang tâk kêng, khohloia irhlîm a hong isei tâk kêng.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

EZEKIELA 13:9

Khan, ki kut hin thu dikloi hriltuhai le deipu tep loi ma mai hmutuhai chu doi ki ta, ki mihai inkhômnaa khan om sa thei no nihaia, Israel insûngkuahai irhming irziakna bua khan irziakin om no nihai; Khanchu Rengpa pathian chu ki nih ti inhriat nin ti.

HOSEA 4:5

Sûna tûk ni ta, nangma le deipuhai khom zâna tuk a ta, ni nu khom inboipai ki ti.

JOELA 3:9

Hi hi namhai laia inpuang unglân; irdoina sinsiam unglân: mi hrâthai inphût unglân; irdoi mi murdihai hong nâiin hong kâi ri sehai.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MALAKIA 2:8

Nangni rêk chu lampui ata nin lei pêt taka; Dâna khan mi tamtak nin intûktira; Levia thuthung kha nin insiat a ni, Sipaihai Rengpa khan a ti.

MATHAIA 15:14

An chungchânga nin milung inbuai no roi! Anni kha mitchohai hruaitu mitcho an nia; mitcho khan mitcho dên a hruaiin chu an ruaiin khurpadopa tâk an ti,” tiin a sâma.

MATHAIA 7:15

“Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.