MIKA 3:11 - PATHIAN LEKHABU IRTHIANG C.L. Bible (BSI)

¹¹ Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 3:11 ပူးပေါင်းရင်းမြစ်များ

THUVÂRHAI 17:23

Roirêltu dik loiin dâihrekin fâk inrûk an lâka, khanchu roirêlna dik hmang nuam ngai ma.

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

ISAIA 48:2

Khopui irthiang mi kin nih nin irtia, Israelhai Pathian iamtu nin irtia, ama irhming chu itinrêng Rengpa a ni.

ISAIA 5:23

Fâkinrûk lâkin mi sual a sa inchangtir nuamhai ngai, mi sahai chu saloi an inchangtir ngai.

ISAIA 56:11

Ui huatirham ang hin khop thei loia, belra enpu chu ni pumin, a siat le a sa theitha thei loi; mâni nuam lam anga omin, an hranga inlâpna vai zong maiin.

JEREMIA 23:17

Ki thu’nsîr irngai nuam loi mihai kuang khan an ta hrangin itinrêng a sat lam chu ni a ti, an ti pehai ngaia. Mi tukullianhai kuang khan, ‘vânduaina hri tin khomin tôn viat no ni,’ tiin an hril ngai a ni,” a tia.

JEREMIA 26:7

Ochaihai, deipuhai le mipuihai an rêngin tempil sûnga, hi thuhai ki inpuang hi an inhriat a ni.

JEREMIA 5:12

Rengpa mihaiin an ni hnôla, “Ite tho tatak no ni, intak zoro khom tong ual no ia; irdoi mo, châm mo khom tong ual no ih,” an tia.

JEREMIA 6:13

Mi tukhom a chîn a lian dik loitaka sum hlo suak an itum a nia; deipuhai le ochaihai khomin mipui an huanghaia.

JEREMIA 7:4

‘Ei zôkna! hi hi Rengpa Tempil a ni, hi hi Rengpa tempil kêng a ini, hi hi Rengpa tempil a ni!’ tia irhuangna tonghai iamhai mai ta no roi.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

EZEKIELA 22:12

Ni mi senkhathai khan mi thatna hrangin tangka sumhai an lâka, senkhatin an Israel chanpuihai kuang a pung omin sum an inpûktirhaia, nuamninga lohaiin irchon an bûma. Keima an ni’rnghil tâka,” Rengpa Pathianin a ti.

EZEKIELA 22:27

Sorkâr roirêltuhai khom chu inê, an sa fâk irchu irthêr ang an ni. Irchongna irzûlin mi an thathai ngai.

EZEKIELA 34:2

“Mihriam nâipa, Israel roirêltuhai kha theiloi inchangtirhai roh. An kuang thu hrilin lân, kei Rengpa Pathian hin hiang hin ki iti a ni, ti pehai roh. Nangni Israel belrapuhai nin chung a rik e! Nin bingin, nin irdonsuia, khannisian belrahai chu itiklai khom donsuihai ngai mak chêi.

HOSEA 4:18

An zu in kha an chîna, nôtizuara an irsiama, an roiinpuina nêkin inzakpuiom kha an irngaiinhlu uala.

HOSEA 4:8

Ki mihai sualna zâra irchong an irtia, an pualoinaa khan an lungrîl an irnghata,

AMOSA 5:14

Nin hring theina hrangin sat loina zong loiin, satna zong unglân; khan, nin insîr angin Rengpa sipaihai Pathian kha nin kuang om mai a ti.

AMOSA 9:10

Ki mihai mi sual murdihai, ‘sat loina khan ni’rzûl pha no nia, ni phâk sa no ni,’ tihai kha khandaiin thi an ti,” a tia.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

MIKA 7:3

thil saloi thôna hrangin an kut kha a theithiama, hruaituhaiin inphût an neia, roirêltuhaiin fâkinrûkna an ngêna, mi lianhaiin an inuam tak sual an hrila, an inthurual irhlôm a ni.

ZEFANIA 3:3

A sûnga a hruaituhai kha kâmkeibaknei inrûm lai an nia; a roirêltuhai kha khohloi tianga ine an nia; a tûk dêna insoi hrang ite hôi mahai.

ZEFANIA 3:4

A deipuhai khom kha mi huang hmang le mi hmangnaboi an nia, a ochaihai rêk khan hmun irthiang kha an porinchetir tâka, Pathian dân kha an nuam lam lamin an inkôktir ngai.

MALAKIA 1:10

Mâkana’n ki maichâma khan mei nin inchok loina hrangin, Nin laia mi, mikot khâr hrang om sianlân chu o! Nin chunga lômna rêng rêng nei ma ung, nin kut ata thil irhlan kha pom sa no ning; Sipaihai Rengpa khan a ti.

MALAKIA 2:9

Khasikin kei khomin, ki lampui chu tukhomin a hro om mak chêia, Dân thua mi theibîk nin inei ang zêlin, mi murdi makunga hmusitom le irhniamin nangni siam ki ti.

NAMBAR 16:15

Khanchu Mosia chu a sân a ning an mur pe tâka. Khanchu, Rengpa kuang, “Hi mihriamhai hin thilinhlan an hong ichôihai kha lei pom pehai no ro, an chunga ite tho’nsual ma ung; an sakuartung khom inkhat lua la pehai ma ung,” a tia.

NAMBAR 22:7

Khanchu Moab upahai le Midian upahai chu khuasâlna hrang, a man chôiin Balaama kuang an fea, khan Balaka iti khom kha an insîr pea.

MATHAIA 3:9

‘Abrahama irchi kêng ei ni,’ tia ningmurna rengata zôk hrangin irtûng no roi. Nangni ki hril, Pathianin hi lunghai khom hi Abrahama irchi’n a siam thei!

1 TIMOTHEA toc2 1 TIMOTHEA 3:3

Zu in ngailoi, mi vîk ngai loi, mi nunirnêm, irngei nuam mi le sum irngaiinnat loi mi a ini hrang a ni,

TITA toc2 TITA 1:11

Khahai bâi kha hîp pehai hrang a ni; a sûngkua kuain mihai an inbuaihaia, sum hmu hrang sabeiin irchutir loi hrang hrang mi an irchutir ngaia.

1 PETERA toc2 1 PETERA 5:2

Nin laia Pathian belrahai kha enkol insa roi, nakhrâtin ni loiin Pathian nuamlam anga irzuk taka tho’n, fâk sa hrang sabei sika ni loiin, sintho nuamna lungrîl irputin enkol roi.

JUDA 1:11

Lungkham an om bâk ngaia! Kaina lampui kha an zuia, sum irzûlin Balaama sualna tiang an intâna, Kora angin tehel an zong sikin, an irhmang sa ta!

1 SAMUELA 8:3

Khannisianlân, anni khan an pa omdân zui loiin, sum le puan tiang an huatirhama, khasikin fâk inrûkhai an hmanga, dik loi takin roi an rêl ngaia.