MIKA 2:6 - PATHIAN LEKHABU IRTHIANG C.L. Bible (BSI)

⁶ Thu hril no ro, tiin an insîr ngai. Hi mihai kuanga hin thu hril no nihai: hrilinsiatna kha irkiang no ni.

MIKA 2:6 ပူးပေါင်းရင်းမြစ်များ

AMOSA 2:12

Khannisianlân Nazarit mihai kuang uain in hrang nin pêka, deipuhai kuang, thu hril no roi, tiin thu nin pêka.

ISAIA 30:10

A hmutuhai kuang, “Hmu no roi,” deipuhai kuang, “Nin ihmu angin nin hril no roi, irngaihoihai kai nin hril ngai roi. Kin irtharngamna hrang vai nin hril hen roi.

TÎRTÔNHAI SINTHO 5:40

Khanchu, a thu kha an zôma, tîrtônhai kha an koia, an khaphaia, Jisua irhminga thu’nsîr viat ta loi hrangin thu an pêkhaia, an insuahai tâka.

TÎRTÔNHAI SINTHO 7:51

“Mi pualoihai, sertanloi mi ang, milung le beng ngarhaio; Irtha Irthiang nin doi maia, nin puhai ang dênin nangni khomin nin tho ngaia.

TÎRTÔNHAI SINTHO 5:28

“Hi Jisua irhminga thu insîr viat ta loi hrangin thu nangni kin pêka; irngai u ta, nin thu irchutir Jerusalem pumpui nin insip zit tâk hi te; hi mi thina hi keini chunga nin ni intum a ni hi te,” tiin a sâmhaia.

TÎRTÔNHAI SINTHO 4:17

Aniachu, mi’n an inhriat irzat ual nona hrangin tu kuang khom Jisua irhminga thu’nsîr nôk ta loi hrangin lei insîhai rei,” an tia.

MIKA 6:16

Omria thu’nkunghai kha vong mai a nia, Ahaba sûngkua thiltho murdihai leh an inkungnahai khan nin ife a ni: khanchu hmun irama nangni ki isiam hrang a ni, a sûnga omhai hi nuiza siamna’n om an ta, khan, ki mihai irhming siatna kha pêl ni ti.

AMOSA 7:13

Khannisianlân Bethel khuaa thu hril nôk ta no ro; rêng hmun irthiang le rêng in a ni sikin,” a ti saa.

EZEKIELA 21:2

“Mihriam nâipa, Jerusalem tiang irheiin lân, hmun irthiang demin thu hrilin lân, Israel ram chungchâng thu inpuang ro;

EZEKIELA 20:46

“Mihriam nâipa, ni hmâi kha sim tiang irnghatin lân, sim tiang demin thu hrilin lân sim tianga ram chungthu inpuang roh.

EZEKIELA 3:26

Khan, ni milei chu ni danga inkoptir khak ki ta, anni chu irchu theihai no chi ni, kôkirhel mihriam an ni sikin.

INPÂKNA HLAHAI 74:9

Kin irsinsianahai chu hmu ta ma unga; Deipu rêng rêng kin laia om mahai.

ISAIA 29:10

Rengpa’n inmusuna phâivua nangni insêmtir a ta, deipuhai mit a tuam pehaia, a hmutuhai lu a irkhuhai a ni ta.

AMOSA 7:16

Khanchu atûn Rengpa thu kha inhre ro: nangin Israel doiin thu hril no’n lân, ni tia; Isaka sûngkuahai doiin ni thu inthâ no roh, ni tia.

MIKA 3:6

Inlârna nin hmu loina hrangin nin kuang zân hong tung a ta; pânzia nin en thei loina dôrin nin kuang inthimna zuang om a ta; deipuhai hranga khan nikhua liam a ta, sûn khom an chunga khan nikhua’n thim ni a ti.