MIKA 2:4 - PATHIAN LEKHABU IRTHIANG C.L. Bible (BSI)

⁴ Kha nikhuaa khan nangni demin chongirkhekna thu siam an ta, chap hla beidong om insamin, ilong zitin kin iom tâk a ni hi te: ki mihai dongtum an danglamtira: ki kuang ata a isonpai tâk a ni hi! Tehel hmanghai kuang kin lei sem indarh tâk a nih ti an ti.

MIKA 2:4 ပူးပေါင်းရင်းမြစ်များ

2 SAMUELA 1:17

Davida khan Saula le a nâipa Jonathana kha hiang hin a châhaia.

2 THURCHI SUINA 35:25

Deipu Jeremia chu Josia sûnna hla a phuaa, Israelhai laia hla sak mi, nupang le pasal rêng sûnna hla an saka. Sûnna hla irziak khômna bua, kha hla kha a chuanga.

JOBA 27:1

Joba’n a thuhril a sunzoma, hiang hin a tia;

ISAIA 14:4

Hi êsêlna hla hin Babulon rêng la khêkkhum ni a ti, “Itina mani ta, a ni soisaktu chu an thim val tâka! rângachak khopui khom ite ar hâi om ta maka!

ISAIA 24:3

Irnêng chu bun inrong ni a ta, insiat vingin om a ti, kha thu kha Rengpa’n a lei hril sai tâk a ni.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

JEREMIA 14:18

Dâi pên tiang ki fe lakin, irdoina hmuna thi miruak tamtak ki hmua; Kho sûnga ki lûtin, phîngchâma thi mipui ki hmuhaia. Deipuhai le ochaihai chu an inhriat loina ram an pan tâka,” tiin.

JEREMIA 4:13

En ta, sûmphâi angin râl an hong so. Irdoina tâlihai chu phâivua angin mipuihai nêkin sakorhai so intân an hrât ual. Ei hrangin intak a ti! ei isiat zoi a ni ta.

JEREMIA 6:12

An inhai khom mi dang pe ni a ta, an loi le an dôngmahai khom khaang dên khan hi rama mihai hi dûk ki ithohai hrang a ni.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:16

Anni’n mo, an irchibulhaiin mo an inhriat loi namhai laia, anni chu irthekindartir ki ta, anni ki’rhmangtirhai zoi mâka chu doiin sipai pâl ki itîr hrang a ni,” a tia.

EZEKIELA 16:44

“Irngai ro, hi thuvâr tôi hmang murdi hin hi thuvâr tôi hi hmang an ti, ‘A nâinu khomin a nu angin a om,’ ti hi.

EZEKIELA 2:10

Kut bongin lekhabu irzuat chu a sûta, a pên tiang le a sûng tiang chu irziakin a sip zita. Thu om chu chapna thuhai, sûnna thuhai le inrûmna thuhai a ni.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

JOELA 1:8

Dôngmate’n, bora puan boma, a sat lai pasal a isûn angin chap rak rak roi.

AMOSA 5:1

O, Israel irchihaio, hi thu hi nangni sûnna hranga ki insîr hi inhre roi.

AMOSA 5:17

Khan, grep irhuan murdia chap rak rak an ta; nin laia ki ife theng hrang a nia, Rengpa’n a ti.

MIKA 1:15

O Maresa mi, nangma neitu hrang ni kuang la hong hruai ki ti: Israel roiinpuina khan Adulam va tung a ti.

MIKA 1:8

Hi sika hin chap ki ta, khêk rak rak ki ta, irkhek le silkai boiin om ki ti; sihalhai angin inrung ki ta, va ringseihai angin inhrâm ki ti.

MIKA 2:10

Thoi unglân, fe irhmang roi; hi hin zôkna om ma; nin pualoina sikin insiat zit ni a ti.

HABAKUKA 2:6

Hihai murdi hin ama chunga êrôna thu, intêkna thuvâr tôi “A ta ni ual loia inpungtir chu i dôr ten mo a inei hrang? Mâni le mâni bânda insiattu chung chu a va rik e! an iti loi hrang ma ni?

ZEFANIA 1:2

Irnêng chung ata thil murdi inboipai zit ki ti, ti hi Rengpa thu suak a ni.

NAMBAR 23:18

Khanchu Balaama’n hi leihrilna hi a hril pea: “Zipora nâipa Balaka hongin lân, ki thu hi hor ngai roh.

NAMBAR 23:7

Khan Balaama’n hi leihrilna thu hi a hril tâka: “Balaka Moab rêngin Suria ram nisua tianga tânga a ni hruaia, ‘Hongin lân, Israel mipuihai khua ni sâl pe ro,’ a tia.

NAMBAR 24:15

Khanchu hi leihrilna hi a hril pe tâka: “Beora nâipa Balaama leihrilna, fel taka hmu theitu thuhai chu,

NAMBAR 24:3

khanchu hi thu hi a leihril tâka; “Beora nâipa Balaama leihrilna, fel taka hmu theituhai chu;

MARKA 12:12

Kha chongirkhek kha Juda hruaituhai demin a insîr tih inhriatin Jisua kha chel an tuma, khannisianlân, mipui an chia, ama kha an mâka, an rot ta.

DÂN INHNINA 28:29

Mitcho angin sûn khovâra khom zân inthim angin thil inmai inmai nin ta; nin lampui chaninvâi a ta, a sân nangni irchêp pe a ta; nangni long kochok an ta, changpuitu zel man no chin ni.