MIKA 2:11 - PATHIAN LEKHABU IRTHIANG C.L. Bible (BSI)

¹¹ “Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

MIKA 2:11 ပူးပေါင်းရင်းမြစ်များ

1 RÊNGHAI 13:18

Bethel-a deipu tarpa khan a kuang, “Kei khom nangma ang dênin deipu ki nia, Rengpa itîr vântîrtônin ki kuang, ni ina fâk nêk zong hrangin ama kha hong hruai roh a ni iti a ni,” tiin minlak a thoa.

1 RÊNGHAI 22:6

Ahaba’n deipu irzaminli vêl a koibukhaia, “Ramot khua mo hong doi ning?” tiin ar donhaia. Anni khomin, “Doi roh Rengpa’n nan hnêtir a ti,” an tia.

JOBA 31:5

Minlak tho ki nuama, Irhuangna hmang nghâkhmo ki ni’n chu.

THUVÂRHAI 25:14

Thilpêk hrang inkunga pe viat ngai loi mihai chu rua tholoi sûm le phâivua ang an ni.

ISAIA 28:7

Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 9:15

an luhai chu an ulian songhai an nia, an irmei chu deipu minlak tho ngaihai hi an ni.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 23:17

Ki thu’nsîr irngai nuam loi mihai kuang khan an ta hrangin itinrêng a sat lam chu ni a ti, an ti pehai ngaia. Mi tukullianhai kuang khan, ‘vânduaina hri tin khomin tôn viat no ni,’ tiin an hril ngai a ni,” a tia.

JEREMIA 23:25

An irmang tianghai ki chongbehai ki ipêk a nih ti ki’rhmingin minlak tho ngai deipuhai iti chu ki inhriat ngai a ni.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

JEREMIA 28:15

Khanchu kha thu kha Hanania kin hrila, a kuanga a iti pe nasan, “Hanania inhre ro, Rengpa’n nang a itîr ni maka, hi mipuihai hi thudik loi ni in-iamtirhai a ni.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.

HOSEA 7:14

An lungrîl takin ni koi mahai, an zâlhmuna an ichiar hnem hnum a ni: bu le uain hrangin an inkhôma, ki chunga lak tehel an zonga.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

FILIPI 3:19

Khahai mongna hrang chu siatna a ni, fâk hrang hi Pathiana an bêa, an inzakpui hrang thilhai kha an song uala, rammual thil ringot an ingaitua a ni.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.