MIKA 1:8 - PATHIAN LEKHABU IRTHIANG C.L. Bible (BSI)

⁸ Hi sika hin chap ki ta, khêk rak rak ki ta, irkhek le silkai boiin om ki ti; sihalhai angin inrung ki ta, va ringseihai angin inhrâm ki ti.

MIKA 1:8 ပူးပေါင်းရင်းမြစ်များ

2 RÊNGHAI 18:13

Hezekia kum sôm kum minli an lal kumin, Assuria rêng Senakeriba’n Judai ram kul neina khuahai chu a doia, an hnêhaia.

ESTHERI 4:1

An thiltho dân murdi kha Mordekaia’n an hriatin chu a puan an potthêra, bora puan a sila a lua irvut ar pola, beidong takin a chap ngûi ngûia; kha sûnga khan khua chu ar fanga,

JOBA 30:29

Sihalhai sûngsuak kêng ki ang ta, Ostrich vâhai hranga rual sa ki ni.

INPÂKNA HLAHAI 102:6

Ramchâr simbu ang ki nia; Kho ram simbu ang chian ki lei ni ta.

ISAIA 13:21

Ramchâra ramsahai om an ta, chînribukin sip zoi a ti, suitililhai om an ta, ram kêlhai irdâina hmun ni a ti.

ISAIA 13:22

Kul binga khan sihal inrung an ta, rêng in hoitak sûnga khan ine inhrâm an ti. Babulon siatna zoro a hong nâi ta, a sûn a hong tung vâng ta.

ISAIA 16:9

Khasikin Sibma grep râng chu Jazer châin châ ki ta; O Hesbon le Elealeh, ki mitrithi leh hin buak ki ta. Ni bu âtna le sûn lumhai hin irdoina thu an tungtir ta.

ISAIA 21:3

Khasikin kin thinga nâiha isê angin ki konghai hi a na zoi ta, kûn pumin ki oma, ite inhre ta ma ung. A ni sirpha saa ite inhre thei ta ma ung.

ISAIA 22:4

Ni rotsan ving roi, ki mithihai hi, châhai hrang ki ni, tûte’n nin thâi no roi.

ISAIA 32:11

Nuama lômhaio, chi ta roi, lungirngam taka zâlhaio, inthing ta nin ti, irkhek unglân korongin om roi, nin konga khan bora puan bom roi.

JEREMIA 4:19

A na! tuang zoi ta ma ung, a na! Ki milung a na hraia a nin buai zoi ta! ki idâihrek thei ta loi a ni hi; bekul tum irhâi le irdoina khêk irhâi kin hriat tâk sikin.

JEREMIA 9:1

Ki lu hi tuikuang ni sian, ki mitrithi hi tuipût ni ri se, ti ki inuam chu! Ki mi thata omhai hrangin, a sûn a zân ki ichap hrang a ni.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:19

Zion-a chap irhâi so irngai hi roi, “Ei insiat zoi tâk! Mual ei inphoi a ni ta! Ei ram hi ei imâk ngêt hrang a ni. Ei inhai lak chu a chim zoi tâka,” tiin.

EZEKIELA 32:18

“Mihriam nâipa, Aigupta rama, mi murdihai hi chûlpuihai ro, nam sinthotheihai le anni chu mithi khuaa tîrpaihai roh.

MIKA 2:4

Kha nikhuaa khan nangni demin chongirkhekna thu siam an ta, chap hla beidong om insamin, ilong zitin kin iom tâk a ni hi te: ki mihai dongtum an danglamtira: ki kuang ata a isonpai tâk a ni hi! Tehel hmanghai kuang kin lei sem indarh tâk a nih ti an ti.

1 SAMUELA 19:24

Khanchu ama khomin a silkaihai a’rkheka, Samuela makunga khan a lâma, thu an sîr sa tâka. Kha nî sûn intuanin le kha zân intuanin korongin a zâl tâka. (Khasika khan, “Saula khom kha deipu a ini sa tâk ma ni?,” iti hi an isôn tâk a ni.)