MIKA 1:5 - PATHIAN LEKHABU IRTHIANG C.L. Bible (BSI)

⁵ Hihai murdi hi Jakoba-hai tho’nsualna sika le Israel in sûng mihai sualna sika a ni. Jakoba-hai tho’nsualna kha imo a ini? Samari a ini loi ma ni? Juda hmun irsânghai kha i ma ni? Jerusalem a ini loi ma ni?

MIKA 1:5 ပူးပေါင်းရင်းမြစ်များ

1 RÊNGHAI 11:7

Jerusalem nisua tianga Moab mihai pathian intirom tak Khemosa biakna hmun a siama, Amon mihai pathian intirom tak Milkoma biakna khom a siam saa.

1 RÊNGHAI 13:32

Rengpa thupêk Bethel maichâm thu le Samari irbôlna hmun thurchi a lei insîrhai chu a hong itung indik ngêt hrang a ni,” a tia.

1 RÊNGHAI 16:24

Semera kuang ata Samari tânga sumru sângruk leh a’rchôka, kha hmuna khan khopui an dinga, kul a siama, kha tâng neitu irhming Semera chôiin a khua irhming khom Samari a tia.

2 THURCHI SUINA 34:3

Josia kha kum riat an lal zoiin chu, la nâiinpangte khomsian, a’rchibul Davida Pathian chu a biak zôi tâka; kum minli zoia len vâng chu nam dang pathian biakna hmun irsânghai, Aseri irlimhai le a millim danghai chu an siat vinga.

2 THURCHI SUINA 34:4

Ama thuin a rualhaiin Baal biakna maichâmhai chu an insiata, a kôla mirimhoi hâlna maichâmhai khom an insiata; Aseri irlimhai le a millim danghai chu an insiata, ama biaktuhai thâna an phûma.

ISAIA 7:9

Efraima lu chu Samari a nia, Samari lu chu Remalia nâipa hi a nia. Nin ni iam no’n chu inding suak no chin ni tiin,’ a tia.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 23:13

Samari khan deipuhai sualna chu ki hmua; Baal irhmingin thu an inpuanga, ki mihai an ihruai insualhai tâk a ni.

JEREMIA 23:14

Kha nêka sual ual Jerusalema deipuhaiin sual an isin ki ihmu a ni. An uirea, chong minlak an hrila; thil saloi tho hrangin mihai an changpuia, tukhomin thil saloi sin an mâk no hrang sikin. Ki ta hrangin chu an rêngin Sodom le Gomora mihai anga taksa sual an ni.

JEREMIA 4:18

Judai rama ni omdân le ni thil thohaiin ni chunga a ichum a ni ta. Ni sualna’n ni tuanga; ni milung taka nang a isun a ni ta.

JEREMIA 5:25

Khasikin nin sual sinthôna sikin hi thilhai hi a boi zoia, nin sualna sikin thil sa nin idok a ni ta.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

CHAP HLA 5:16

Ki lu ata rênglukhum a tâka; kin chung a rik, kin lei tho insual tâka.

EZEKIELA 16:46

Khan, ni zuarpui ulian ual chu Samaria, ni vei tianga om ngai kha ama le a nâinuhai leh an ni; ni zuarpui nâipang ual lak chu, ni chang tianga om ngai kha Sodom le a nâinuhai an ni.

HOSEA 7:1

Israel indam ki tumin Efraima sualna a hong inlanga, Samari sualna le huang an uara, sûng tiang inru a hong lûta, pên tiang hrâtlâksong pâlin an roka.

AMOSA 6:1

Zion tânga hoi ta hraia omhai le Samari tânga raifân taka omhai le nam lian tak mi roiinpuihai, an kuanga Israela sûngkuahai an fenahai chung kha a zîng e!

AMOSA 7:9

Khan, Isaka hmun irsânghai kha hong ram an ta, Israel hmun irthianghai kha insiat ni a ta; khan, Jeroboama sûngkuahai khandaiin doi ki ti,” a tia.

AMOSA 8:14

Pathian irlim sâla khomâksâma, ‘O Dan, ni Pathian a hring angin,’ le Beerseba fena lampui a ihring mai angin, tihai kha, khaang mihai khom kha chu irtet an ti, thoi nôk viat no nihai, tiin.

MIKA 1:13

O Lakis mi, tâli kha sakor hrâta khan kop ro; hi hi Zion nâinu sualna bulpui a ni, Israelhai tho’nsualna kha nangmaa hin a lei iom a ni.