MIKA 1:16 - PATHIAN LEKHABU IRTHIANG C.L. Bible (BSI)

¹⁶ Irziat inkolin lân, ni nâi inditom takhai sikin ep inkol ro: râikoso angin irvoi inkol intam ual ro; ni kuang ata sala hruaiin an om tâka.

MIKA 1:16 ပူးပေါင်းရင်းမြစ်များ

2 RÊNGHAI 17:6

Hosea kum kuak an lal kumin, Samari khua chu Assuria rêngin a lâk tâka; Israelhai chu suakin a hmanghai ta. Assuria rama a hruaihaia, senkhat chu Hela khuaa an omtirhaia, senkhat chu Gozan bial Habor tui kôla le Media ram khuaa an omtirhaia.

JOBA 1:20

Khanchu Joba kha a thoia, a songkol irfual an pot thêra, a lu a voi inkola; hnuaia inbokin Pathian a biaka.

ISAIA 15:2

Dibon mihai chu Pathian biakna hmun irsânga chap hrangin an fea, Moab mihai chu an lu an ep inkola, hnermul an voipaia, Nebo le Medeba khua an irzuk nôk tâk a ni.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 4:8

Khasikin bora puan sil unglân, chapin inrung ta roi, Rengpa ningmur ichiom tak khan; Judai ram chu hnung a la isongsan loi a ni sikin.

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

JEREMIA 6:26

Rengpa’n a mihai kuang, “Bora puan sil unglân, irvut kâra inhlum roi. Nâipasal nei sûn ang takin mitrithi sômin chap roi, nangni doi hranga hong khan nangni an siat zêl hrang tâk sikin.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

CHAP HLA 2:19

Thoiin lân, zân khovârin Rengpa koi ro, Rengpa makunga ni lungrîl chu tui angin bunthuanin lân, Kholaidunga ni nâihai phîngchâm tuanghai hringna hrangin, bân phar pumin zong roh. Nâipang kotsua kil tina phîngchâm dangchârhai hringna hranga khan.

AMOSA 7:11

Amosa khan hiang hin a tia, ‘Jeroboama kha khandaiin thi a ta, irlêkloiin a ram ata Israel kha sala hruai suak a ta,’ tiin thu a thona,” a tia.

AMOSA 7:17

Khasikin Rengpa khan hiang hin, ‘Ni dôngma kha khopuia notizuar ni a ta, ni nâipahai, ni nâinuhai kha khandaiin tûk an ta, ni ram kha irkhîna hruiin sem an ta; khan, nangma ngei kha ram irthiang loi sûnga khan thi ni ta, irlêkloiin Israel kha a ram ata sala hruai irhmang a ta,’ a ti,” tiin a sâma.

AMOSA 8:10

Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.

DÂN INHNINA 28:41

Nâinu nâipa a sân nei intam nin ta, an irtha fa no chin ni, suaka om zit an ti.