MATHAIA 9:26 - PATHIAN LEKHABU IRTHIANG C.L. Bible (BSI)

²⁶ Kha thurchi kha, kha ram pumpuia khan an thang ta.

MATHAIA 9:26 ပူးပေါင်းရင်းမြစ်များ

MATHAIA 4:24

Khanchu, Suria ram murdia a thurchi an thang tâka; damloi murdihai, damloina le natna tinrêng tuanghai, ramilhli ichelhai, hrisangol le zenginthihai, a kuang an hong hruaia, a lei indamhaia.

MATHAIA 9:31

Khannisian, anni kha an fea, kha ram pumpuia khan Jisua thurchi kha thang an inthei tâka.

MARKA 1:28

Galili le ram dang kil tina a thurchi kha an thang zôi zel tâka.

MARKA 1:45

Khannisian a fe suaka, kha thu kha an sîr tâka, a puang indarh ual uala, khanchu, an insîr inlum hrai sikin, Jisua chu thangphuangin khua khom lût ta maka, hmun fianriala a om ta, hmun tin ata mi’n an hong pan ngaia.

MARKA 6:14

Jisua irhming kha a sân an thang tâk sikin, rêng Heroda khan a len hriat sa tâka. “Baptistu Johana kha mithi lai ata a hong thoi nôk tâka, hi sinthotheina irtha hi a inei,” an tia.

LUKA 4:14

Khan, Jisua kha Irtha Irthiang sinthotheina neiin Galili rama a kîr nôka, kha ram sûnga khan a thurchi an thang tâka.

LUKA 4:37

Khanchu, kha rama khan hmun tina Jisua irhming an thang tâka.

LUKA 5:15

Khannisianlân, Jisua thurchi kha an thang ual uala, a thu’nsîr irngai hrang le an natnahai indam hrangin mipuihai a kuang an hong irbûma.

LUKA 7:17

Kha thu kha Judai ram murdia le a kôlvêla Judai ram tina an thang suak tâka.

TÎRTÔNHAI SINTHO 26:26

Hi thil hi rêng khomin an hriat, a kuang khom hâi takin ki insîr a ni. Hi thil hi inrûka tho khom ni mah, a kuang ite ip om mah ti kin hriat infel sikin.