MATHAIA 9:24 - PATHIAN LEKHABU IRTHIANG C.L. Bible (BSI)

²⁴ “Suak roi, nin rêngin! Nâipang hi thi mah, a in kêng,” a tia. Khanchu, anni khan an innuisana.

MATHAIA 9:24 ပူးပေါင်းရင်းမြစ်များ

JOBA 12:4

Pathian ki koia, a ni sâm ngai, khannisian ki rualhaiin an nin nuisana, mi fel le demnaboi ni khom inlân, nuizabûr ang ki ini ta hi.

ISAIA 49:7

Israelhai irtantu mi irthiang, Rengpa’n hiang hin a ti: “Nangma, mi ihnuaisia, nam tin ien indong, roirêltuhai siahlo, rênghaiin suak ata ni izôk nang hmu an ta, mi lianhai khom ni makunga kûn an ta; Rengpa’n a thu an kung sikin Israel mi irthiangin nang an thang ta.”

ISAIA 53:3

Ennuam om loitak, mihai ihnôl, mihriam chuk loi, natna tuang chuan chuan, dam nî nei loi, Mi tin imâksan, ennuam loitak, ite bêa ei ibe loi chu a ni.

MARKA 5:40

Anni khan an innuisana, khanchu, an rêngin an hnot suakhaia, nâipangtenu nu le pa le ama zuituhai kha a hruaia, nâipangtenu zâlna hmuna khan an lûta.

LUKA 8:53

A thi ngêt a nih ti an inhriat sikin an innuisana.

JOHANA 11:4

Jisua’n a len hriatin chu, “Hi natna hi thina hrang ni maka, Pathian roiinpuina hranga a ni. Hi sika hin Pathian Nâipa hi roiinpuiin a iom hrang a ni,” a tia.

TÎRTÔNHAI SINTHO 20:10

Khannisianlân, Paula a chuma, a zun boa, a zu poma, “Nin charindong no roi, a hrang la chat mah,” a tia.

TÎRTÔNHAI SINTHO 9:40

Petera khan an rêngin an suaktirhai zita, khûksadelin a chongchaia ruak tiang a’rheia, “Tabiti, thoi roh,” a tia. Khanchu, Tabiti kha a hong menga, Petera kha a hmua, a hong toi suak tâka.