MATHAIA 8:27 - PATHIAN LEKHABU IRTHIANG C.L. Bible (BSI)

²⁷ Mihai khan a sân a’rkhêl an tia, “Hi mi hi i ang mi mo a ini? Phâivua le tui irsok ten khomin a thu an izôm hi te!” an tia.

MATHAIA 8:27 ပူးပေါင်းရင်းမြစ်များ

MATHAIA 14:33

Khanchu, irkuanga irchutir omhai khan, “Pathian Nâipa ni ni lele kêng,” tiin Jisua chubai an mûka.

MATHAIA 15:31

Mipuihai khan chong theiloihai kha hong chongin, kholrabaichahai kha hong damin, kea fe’n, mitcho hai mit hong vâr tâk kha an hmu’n a sân a’rkhêl an tia; khanchu, Israel Pathian kha an inpâk ta.

MATHAIA 8:10

Jisua’n kha kha an hriatin a sân ar khêl a tia, a zuituhai kuang khan, “Thudik nangni ki hril, Israelhai laia hiang dôra iamna nei hi tûte la hmu ma ung.

MATHAIA 8:26

Jisua’n an kuang, “Itho mo ang dôra nin ichi? Iti hraia iamna tôm mo nin ini!” a tia. Khanchu, a thoia, phâivua le tui irsok kha irngam hrangin thu a pêka, kha hnung chu a dâi dup zôi zel tâka.

MATHAIA 8:28

Dîl râl tiang Gadarin rama Jisua a hong tungin, ramilhli ichel mi inhni, thân ata hong suakhaiin an irtongpuia. Khahai kha ichi an om sikin, kha lampuia khan tûte irlôi ngam mahai.

MARKA 1:27

An rêngin a’rkhêl an ti tak taka, “Hi hi imo a ini ngai tâk? irchuna thar a ni hi te; ramilhlihai khom irchamnei takin thu a pêka, an izôm hi,” an irti irhlôma.

MARKA 6:51

Khanchu, an kuang irkuanga khan a chuang saa, phâivua kha a’rngam ta. Irchutirhai chu an irngai ar khêl tak taka,

MARKA 7:37

An hriat murdi’n ar khêl an ti tak taka, “A isin tinrêng hi ar khêl a ni! kuarsêthai khom an vâr pehaia, chong theiloihai khom a inchongtir thei hi!” an tia.