MATHAIA 7:24 - PATHIAN LEKHABU IRTHIANG C.L. Bible (BSI)

²⁴ “Khanchu, hi ki thu hi inhriata, zôm murdi chu mi vâr, lungpui chunga in sintu leh irkhek rua a ni.

MATHAIA 7:24 ပူးပေါင်းရင်းမြစ်များ

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

INPÂKNA HLAHAI 111:10

Rengpa chi chu vârna bul a nia; A thupêk zômhai ka kuang inhriat thiamna sa a pêk ngai. Ama’n pâkna chu kumkhua’n om mai a ti.

INPÂKNA HLAHAI 119:130

Ni thu hrilfiana hin mihai an vârtira, Mi’nmôlhai chu inhriat thiamna a pêk ngai.

INPÂKNA HLAHAI 119:99

Ni’rchutirtu murdi nêkin inhriat thiamna ki nei ual a ni, Ni nir chûtirna ki ngaitua ngai sikin.

THUVÂRHAI 10:25

Sim phâivua a hong thoa, mi siahai kha a sêm irhmangtira, mi dikhai chu an zôk thei ngai.

THUVÂRHAI 10:8

Inhriatna nei mihai khan irchutirna sa an dong ngai. Mi’nto chong tam rêk chu irhmang an ti.

THUVÂRHAI 12:7

Mi siahai chu irchi suanpâr boiin irhmang an ta, mi felhai in sûngkua chu om mai an ti.

THUVÂRHAI 14:8

Mi vârhai vârna bi chu an sintum an inhriatna hi a ni. Intohai into nasan chu inhriat an irtina hi a ni.

MATHAIA 12:50

Tukhom ka Pa irvâna mi nuamlam thotuhai hi ki urênghai, ki farnuhai, ka nuhai an ni,” a tia.

MATHAIA 16:18

Khasikin nang Petera; lungpui ni ni tih nang ki hril, hi lungpui chunga hin ki koiindang inding ki ta, thina khomin inhnê no ni.

MATHAIA 24:45

“Siahlo iamom vâr tak, a pu’n a in sûng charêla, siahlo danghai zoro tina an fâk sem pe hranga hruaitua a isiam kha tu mo ni ni?

MATHAIA 25:2

An laia ringa an intoa, ringa an vâra.

MATHAIA 25:4

A vârhai khan chu an meiserhai an chôia, a bûra khan a tui an chôi saa.

MATHAIA 25:9

A vârhai khan ‘Nangni pe thei no ni ung, keini le nangni hrangin chu ruk no ni. A zuarpuhai kuang fe unglân, var cho roi,’ tiin an sâma.

MATHAIA 7:25

Rua a hong thoa, tuihai a hong liana, phâivua a hong thoa, kha in kha a hong nam rak raka, khannisianlân, chim ma, lungpui chunga sin indet khak a ni sikin.

MATHAIA 7:26

“Hi ki thu hi inhriata zôm loihai chu mi’nvêt, bâli chunga in sintu leh irkhek rua a ni.

LUKA 11:28

Jisua’n a sâma, “Pathian thu inhriata zômhai chu an vân a sa ual,” a ti pea.

JOHANA 13:17

Kha kha nin inhriata, nin zômin chu lôm nin ti.

JOHANA 14:15

“Nangni’n lung nin ni thungin chu, ki thupêkhai zôm nin ti.

JOHANA 15:10

Ki thupêkhai nin zômin chu, ki lungthungin om mai nin ti, keiin ka Pa thupêkhai ki zôma, a lungthunga ki iom ang hin.

JOHANA 15:14

Thu nangni ki ipêk hi nin zômin chu ki rualhai nih nin ti.

ROM KHUAA MIHAI KUANGA TÎRTÔN PAULA LEKHATHON 2:13

Dân inhriat sika ni loiin a zôma zôm sika khan Pathian makunga thiam chang thei a ni.

1 JOHANA 2:3

Pathian thupêkhai ei zômin chu ama ei inhriat a nih ti a ifel a ni.