MATHAIA 7:15 - PATHIAN LEKHABU IRTHIANG C.L. Bible (BSI)

¹⁵ “Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

MATHAIA 7:15 ပူးပေါင်းရင်းမြစ်များ

1 RÊNGHAI 13:18

Bethel-a deipu tarpa khan a kuang, “Kei khom nangma ang dênin deipu ki nia, Rengpa itîr vântîrtônin ki kuang, ni ina fâk nêk zong hrangin ama kha hong hruai roh a ni iti a ni,” tiin minlak a thoa.

JEREMIA 29:21

Rengpa Itinrêng thothei, Israelhai Pathianin, Kolaia nâipa Ahaba le Maaseia nâipa Zedekia, a’rhminga milak chong inpuang ngaihai chungthu an sîra. Anni chu Babulon rama rêng Nebukadnezara thuneina inhlan an ta, an mithmu chunga ngêt that an ti, a iti a ni.

JEREMIA 29:32

Khasikin Rengpa’n hiang hin a ti, Nehelam mi Semaia le ar chihai chu hremhai ki ti, nin laia irchi inkhat lua nei no ni, ki mihai hranga thil sa ki itho hrang khom chang sa thei no ni, Rengpa ata tehelna thu an puang sikin, ti hi Rengpa thu suak a ni,” a tia.

EZEKIELA 13:16

Kha kha Israel deipu Jerusalem chungthu hrila, irtharngamna om loia, irtharngamna irhmutirtuhai ngei kha, om ta no nihai, ti hi Rengpa pathian thusuak a ni.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.

EZEKIELA 22:25

Kâmkeibakneiin sa a ithathai chunga a inrûm ngai angin, hruaituhai chu an inrûm sa ngai. Mihai an thata, tangka sum le neinun an ilâk thei dôr an lâka, mi tamtak meithâiin an siahai ngai.

EZEKIELA 22:27

Sorkâr roirêltuhai khom chu inê, an sa fâk irchu irthêr ang an ni. Irchongna irzûlin mi an thathai ngai.

DANIELA 11:34

An irlet khomin changpuina chîntea indomin om an ta, mi tamtak êsêlin, êrôhai an ti.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

ZAKARIA 13:4

Kha zoro kha a hong tung tena chu, deipu tukhomin inlârna a ihmuhai sika khan lârirpâk ta no nia, deipu ang khomin om ta no nia, mipuihai huangna hrangin deipu silkaihai irbel ta no nihai.

MATHAIA 10:17

Aniachu irdîn roi, nangni chela, Sanhedrin-ah nangni intunga, an sinagokhaia nangni zêm an ti.

MATHAIA 16:11

Nin kuang bai thurchi insîr ma ung, ti itho mo nin inhriat loi? Farisaihai le Sadukaihai chol ata irdîn roi!” a tia.

MATHAIA 16:6

Jisua’n an kuang, “Farisaihai le Sadukaihai chol ata ir-enkol unglân, irdîn roi,” a tia.

MATHAIA 24:11

Khanchu, deipu dol tamtak la hong suak an ta, mi tamtak la huang an ti.

MATHAIA 7:14

Hringna mikot chu a chîna, a lampui khom ar chêpa, a hmutuhai khom tômte an ni.

LUKA 12:15

Khan an kuang, “Irdîn unglân, irzukna tinrêng ata irdîn roi, mihriam hringna bi hi irchon lâmkhîl sika ni mah,” a ti pehaia.

LUKA 6:26

“Mi tinin nangni an inpâk tika chu lungkham nin la iom hrang kêng; khaang dênin an irchibulhaiin deipu dolhai an inpâk ngai.

JOHANA 10:12

Irhlo mi, belrapu tak ni loia, belra neipu ni no chu inê hong a hmu’n chu belrahai an tânsan ngai, inê khan belrahai kha a sea, an thekindarh chit ngai.

TÎRTÔNHAI SINTHO 13:40

Khasikin, irdîn roi, deipuhai lei iti kha nin chunga tung likna ti:

TÎRTÔNHAI SINTHO 13:6

Chômbung kha Pafos khua dênin an irfang suaka. Dôithei, deipu dol, Juda mi inkhat, Bar-Jisua an hmua.

GALATIA 2:4

Iamtu dol, Jisua Krista Zalênna ei nei enirchik hranga an laia lût inrukhaiiin chu suaka nin lûttir an tuma.

EFESI 4:14

Khanchu, mihriam vârirlethaiin, an minlakna hmanga ihuanga omin, irchûna dikloi sika tuilian isok le phâivua’n hi tiang so tianga a isok le a isêm nâipang siat ang hi ni no roi.

EFESI 5:6

A nêp ang tianga kha thil insîrtuhai khan nangni huang no ri sehai, kha thil sika khan Pathian ningmurna kha taksônloi mihai chunga a itung hrang a ni!

FILIPI 3:2

Uihai ata, thil saloi thotuhai ata, sertan uarhai ata irdîn roi.

KOLOSA 2:8

Irdîn roi, Kristaa suak ni loi, rammual irchutirna dikloi ramkhohri ata suak, rammual vârna an iti mihriam irchu nôk mai mai khan tu mo khatin nangni an huang itinin.

2 TIMOTHEA toc2 2 TIMOTHEA 3:13

Mi sualhai le tho pa paihai chu an dongtum hong siat tîr tîr an ti, mi dang huang ngai khomsian anni ngei khom huang an ti.

2 TIMOTHEA toc2 2 TIMOTHEA 4:3

Irchutirna hrisêl irngai nuam sabak loiin an nuamlam vai irngaiin an mikuar lût lam anga irchutirtuhai vai an koibuk zoro la tung a ti.

2 PETERA toc2 2 PETERA 3:17

Inditom takhaio, nangni’n chu nin inhriat tâka, irdîn roi; khano’nchu uksak nei loihaiin nangni hruai irhmang an ti; nin det insat laiin tûk likna chin ni.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.

THUPHUANG 16:13

Khan, Dragon bâi ata, sahrâng bâi ata, deipu dol bâi ata hong suak irtha porinche inthum, uichok anga om ki hmu sa.

THUPHUANG 17:6

Khan, kha nupang kha Pathian mihai thisen le Jisua mârtârhai thisen inruiin ki hmu. Ki hmu le chu a sân ki’rngai a’rkhêl tak taka

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.