MATHAIA 6:13 - PATHIAN LEKHABU IRTHIANG C.L. Bible (BSI)

¹³ Thêmnaa ni hruai inlût no’n lân, mi sualhai ata ni saninhring roh,’ tiin.

MATHAIA 6:13 ပူးပေါင်းရင်းမြစ်များ

IRPHUTNA 22:1

Khan, hiang hin a nia, zoro sôtloite hnunga chu, Pathianin Abrahama chu a fiaa, “Abrahama,” a tia; khanchu ama’n “Hin ki om,” a tia.

1 RÊNGHAI 1:36

Jehoiada nâipa Benai khan, “Amen, ka pu, ni Pathian Rengpa’n namindet ri se.

1 THURCHI SUINA 16:36

Rengpa Israelhai Pathian chu inpâk unglân, Kumkhua, kumkhontuangin inpâk roi, Mi murdihaiin “Amen,” an lei tia, Rengpa chu an inpâka.

1 THURCHI SUINA 29:11

Ni roiinpuia, sinthothei tak ni nia, ni’rsânga, ni saa, irnêng le irvâna thilhai hi ni ta a nia, o Pathian an laltak ni nia itinrêng chunga thuneitu ni ni.

1 THURCHI SUINA 4:10

Israel hai Pathian kuang Jabeza chu a chongchaia, “O Pathian, sat ni vurin lân, ram irzat tak ni pe’n lân, nâ ki tuang loina hrangin thil saloihai ata ni hrungin lân, ni ompui mai ro,” a tia. Khanchu Pathianin a izong angin a ompui a ni.

INPÂKNA HLAHAI 10:16

Rengpa chu kumkhontuang hrangin Inlaltak a nia: Nam tin chu ama ram ata an irhmang ta. 17,

INPÂKNA HLAHAI 106:48

Rengpa, Israelhai Pathian chu, inpâkin om ri se, Kumtuang ata kumtuang khomin. Mi murdi khan, “Amen,” ti ri se. Rengpa chu inpâk roi.

INPÂKNA HLAHAI 22:28

Ram chu Rengpa ta a nia: Nam tin chunga roirêltu a ni.

INPÂKNA HLAHAI 41:13

Rengpa, Israel Pathian chu kumtuang ata kumtuang dênin inpâkin om ri se. Amen, Amen.

INPÂKNA HLAHAI 47:2

Rengpa Anchungtak chu ichi a oma; Irnêng chung murdia Reng roiinpui tak a ni.

INPÂKNA HLAHAI 47:7

Pathian chu rammual murdi Reng a nia: Inhre thiama inpâkin zâi roi.

INPÂKNA HLAHAI 72:19

A’rhming roiinpui tak hi kumkhua’n inpâkin om sa sianlân; Irnêng pumpui khom hi a roiinpuinaa insipin om ri se. Amen, Amen.

INPÂKNA HLAHAI 89:52

Rengpa chu kumkhua’n inpâkin om ri se. Amen, Amen.

FESUAKNA 15:18

Rengpa’n kumtuangin roirêl a ti,” tiin.

THUVÂRHAI 30:8

milaknaa irthokin ni sûnghualin lân, irchongna mani inriangna mani ni pe no ro. Ki rukbakin fâk ni pe roh.

JEREMIA 15:21

Mi sualhai le nunterhai kut ata nang saninsua ki ti, keima Rengpa hin ki iti a ni,” tiin.

JEREMIA 28:6

“Inhre mai hranga sa chu a ni. Rengpa’n tho a tih ti ki iam. Ni leihrilna chu a tak changin Babulon rama neinunhai chôia omhai le mipui sala hruaia omhai khom hong chôiin, hong hruai kîrhai a ti, ki iiam ngit a ni.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

NAMBAR 5:22

Khomâksâm intungtirtu’n, hi tui hi ni rîla thun a ta, ni phîng invûngtir a ta, ni mal inchîntir a ti,” ti a ta. Khanchu nupang khan, “Amen, Amen,” a lei iti hrang a ni.

MATHAIA 26:41

Inthêmnaa nin lût nona hrangin irtûng chianin chongchai roi, Irtha’n chu a nuama, taksa’n a iphari loi a ni,” a tia.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

MATHAIA 5:37

Ni thu’nsîr kha “A ni” nin iti chu a nih ni ri se, “Ni mah” nin iti chu, ni mah ni ri se, khaban kha chu sual ata suak a ni.

MATHAIA 6:10

Ni nuamlam irvâna mi’n an isin angin, irnênga mi’n sin ri se.

JOHANA 17:15

“Anni chu rammual ata la suak hrangin nang ngên ma ung, mi sual ata hrung hrangin nang ki ngên a ni.

1 KORINTH 10:13

Fiana nin itong hen hi mi tong ban om ual mah. Pathian chu iam a oma, ni tuang thei bana irkhêl fiana nin chunga intungtir no ni, nin doi zoi theina hrangin fiana hong tung laiin lôitheina lampui nangni siam pe a ti.

1 KORINTH 14:16

Pathian kuanga irtha vaiin lômthu nin sîrin te, inkhôma hong chang mi narânhai khan nin chong kha inhriat no nihaia, nin lômthu insîra khan itin mo “Amen” an iti thei hrang?

2 KORINTH 1:20

Pathian chonginkunghai murdi “A ni” a ni sikin. Khasika khan kêng Jisua Krista zârin Pathian roiinpuina hrangin “Amen” ei ti ngai.

GALATIA 1:4

Pathian, ei Pa nuamlam zômin atûn zoro saloi ata ni sansuak hrang le ei sualhai ni’rsunfâi pe hrangin Krista kha a’rpêk tâka.

DÂN INHNINA 8:16

Ramchâra khan nin pahai khomin an inhriat ngai loi Mana khan nangni an fâa, nangni fiana hrangin le nin ta hrangin a isa hrang mo saloi hrang nin inhriat theina hrangin intak nangni an tuangtir a ni.

DÂN INHNINA 8:2

Kum sômminli sûng ringot Rengpa nin Pathian khan ramchâra nangni a inchaitir kha inhre mai roi; deng nangni an theitira, nangni a fiaa, a thupêkhai kha nin izôm hrang mo zôm loi hrang nin lungrîl inhriat a inuam a ni.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

2 THESALONIKA toc2 2 THESALONIKA 3:3

Rengpa chu iam a oma, ama khan nangni an hrâtin mi sualhaia irthokin nangni inzôk a ti.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

HEBRAI toc2 HEBRAI 11:36

Senkhat chu nuiza siamna’n an hmanga, an zêma, senkhat nôk chu kolbun le intângna ina an khum.

1 PETERA toc2 1 PETERA 5:8

Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

2 PETERA toc2 2 PETERA 2:9

Rengpa khan ama chituhai chu tuangna ata sansuak lam le roirêl Ni a zuang tung mâna khom mi sual hrem lam an hriat;

1 JOHANA 3:8

Thil sual thotu chu Diabola ata suak a ni; a phut rengata Diabola khan thil sual a thoa. Pathian Nâipa a zuang inlangna san chu, Diabola sinthohai inboi hranga a ni.

THUPHUANG 1:18

A hring kha ki ni! Thina chunga le mithi khua chunga khom ircham ki nei.

THUPHUANG 19:1

Kha zoiin chu irvâna mipui tamtakhai khêk irhai inring tak angin, “Haleluia! Saninhringna, roiinpuina, sinthotheina hai ei Pathian ta a ni!

THUPHUANG 19:4

Khanchu, upa sômhni minlihai le thilhring minlihai khan inbokin, “Amen! Haleluia,” tiin Pathian, rêngtoihmuna toitu kha chubai an mûka.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

THUPHUANG 3:14

Laodikei koiindanga vântîrtôn kuang hiang hin irziak roh: “Hi thu hi Amen, inhriatpuitu diktak le iamom tak Pathian thilsiam bul khan a insîr a ni.

THUPHUANG 5:13

Khabana, irvân le irnêng chung le irnêng hnuai le tuikhangliana thilhring tinrênghai le rammual sûnga thilhring om murdihaiin, “Rengtoihmuna toitu le Belrate kuanga khan, Inpâkna hai, chôiindômna hai, roiinpuina hai le sinthotheina hai, kumtuangin om ri se,” ti hla an isak kin hriat sa.