MATHAIA 4:24 - PATHIAN LEKHABU IRTHIANG C.L. Bible (BSI)

²⁴ Khanchu, Suria ram murdia a thurchi an thang tâka; damloi murdihai, damloina le natna tinrêng tuanghai, ramilhli ichelhai, hrisangol le zenginthihai, a kuang an hong hruaia, a lei indamhaia.

MATHAIA 4:24 ပူးပေါင်းရင်းမြစ်များ

2 SAMUELA 8:6

Kha hnung chu Davida khan Suria rama Damaska khan sipai a siaa; khanchu Suria mihai kha Davida thuhnuaia an om tâka; khâzana an hong pêk ngaia. Rengpa’n Davida chu a fena tina inhnêna a pêka.

1 RÊNGHAI 10:1

Seba rêngnu’n Solomona irhming inthang thu an hriata, thu’ntakhai irdon infel hrangin Jerusalema a honga.

1 RÊNGHAI 4:31

Rammuala mi vârtak a ni. Ezra mi Ethana, Mahola nâi Hamana Kalkola le Darda hai nêkin a vâr uala, hmun tin le ram tina a’rhming a inthang a ni.

1 THURCHI SUINA 14:17

Davida irhming chu ram tina an thanga Rengpa zârin nam tinin an ichi a ni ta.

1 THURCHI SUINA 29:2

Ki thei la lamin ki hrâtna ki lei hmang tâka, rângachak hai, sumru hai, dârhai, thîr hai, thing hai, lunghlu hai, lung mantam hai, lung enhoi, le sailungvâr hai ki bukkhôm tâka.

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

MATHAIA 12:22

Khan, mi senkhat Jisua kuang mitcho le ramilhli’n a chel sika chong theiloi an hong hruaia. Jisua’n khapa kha an dama, khanchu, a hong chong theia, a hong hmu thei ta.

MATHAIA 14:1

Kha zoroa khan Galili rama rêng Heroda’n Jisua thurchi a lei inhriata.

MATHAIA 15:22

Kha rama om Kanaan nupangnu inkhat a kuang a honga, “Davida Nâipa! lung nin kham ro! ki nâinu ramilhli’n a chela, dengthei takin a iom kêng,” tiin a khêka.

MATHAIA 17:15

“Rengpa, ki nâipa hi lunginkham ro! Hrisangol irvei a nia, a tuang hrai tâka, voi iza tuia le meia an rîl tâka.

MATHAIA 17:18

Jisua’n ramilhli kha thu a pêka, nâipangtepa sûng ata kha a suaka, kha zoro taka khan a hong dam ta.

MATHAIA 4:23

Jisua’n Galili ram murdi ar fanga, an Sinagokhaia irchutirin, Ram Thurchi Sa chu a hrila, Israelhai laia natna tinrêng le hrât nona tinrêng irveihai chu an damhai thiaia.

MATHAIA 8:28

Dîl râl tiang Gadarin rama Jisua a hong tungin, ramilhli ichel mi inhni, thân ata hong suakhaiin an irtongpuia. Khahai kha ichi an om sikin, kha lampuia khan tûte irlôi ngam mahai.

MATHAIA 8:33

A enkoltuhai kha an intâna, kho sûnga an fea, thil omzia murdi, ramilhli ichelhai chunga thil tunghai kha an van sîra.

MATHAIA 8:6

“Rengpa, ki siahlo zenginthi, ina a zâl chiana, a sân a na,” a tia.

MATHAIA 9:26

Kha thurchi kha, kha ram pumpuia khan an thang ta.

MATHAIA 9:35

Jisua’n kho lian le kho chînhai ar fanga. Sinagokhaia, a irchuhaia, Pathian Ram Thurchi Sa an sîra, damloi chi tinrêng le natna chi tinrênghai an damhaia.

MARKA 1:28

Galili le ram dang kil tina a thurchi kha an thang zôi zel tâka.

MARKA 1:32

Kha khohloi, misa tâk hnung chu, damloi murdi le ramilhli ichelhai a kuang an hong hruaia.

MARKA 2:3

Zenginthi inkhat, mi minliin an hong irzôna, a kuang an hong panpuia.

MARKA 2:4

Mipui sika khan nâi thei mahaia, a omna irdîna a zâlna pumin an zun thâka,

MARKA 2:9

Zenginthi kuang khan, ‘Ni sualhai ngaidam a ni tah ti le thoiin lân, ni zâlna kha lan lân, ke’n fe roh,’ ti hi, a kho hi mo a ol ual?

LUKA 2:2

Hi irteppui masa tak hi Suria rama Kurinia, Ramoptu a ni laia a ni.

LUKA 4:14

Khan, Jisua kha Irtha Irthiang sinthotheina neiin Galili rama a kîr nôka, kha ram sûnga khan a thurchi an thang tâka.

LUKA 4:38

Khan, Jisua Sinagok ata a suaka, Simona ina a fea, Simona tarpi a sân inkhur inrikin a oma, a ta hrangin Jisua a ngên pea.

LUKA 5:15

Khannisianlân, Jisua thurchi kha an thang ual uala, a thu’nsîr irngai hrang le an natnahai indam hrangin mipuihai a kuang an hong irbûma.

LUKA 5:24

Mihriam Nâipa hin rammuala sualhai ngaidam theina a nei tih nangni inlangtir pe ki ti,” a ti pehaia.

LUKA 7:17

Kha thu kha Judai ram murdia le a kôlvêla Judai ram tina an thang suak tâka.

JOHANA 10:21

Senkhatin, “Ramilhli ichelin chu hiang hin chong thei no ni! Itin mo ramilhli’n mitcho mit a invârtir pe thei hrang?” an tia.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

TÎRTÔNHAI SINTHO 15:23

Hiang hin an irziakin an inchôi: “tîrtônhai le upahai le nin urênghai hin, Antiokei-a mihai, Suria rama mihai, le Kilikia rama Jentail urêng omhai kha chubai nangni kin mûk e.

TÎRTÔNHAI SINTHO 15:41

Suria ram le Kilikia ram chu an irfang suaka, Koiindang mihai kha an indettirhai thiaia.

TÎRTÔNHAI SINTHO 28:9

Kha zoi hnung chu, kha chômbunga khan mi dang a na murdi an honga, an dam tâka.

TÎRTÔNHAI SINTHO 8:7

Ramilhli kha inring taka khêkin mi tamtak sûng ata an hong suaka, zenginthî le ke’nbâi tamtak khom an damtirhaia.

JOSUA 6:27

Rengpa’n Josua chu a ompuia, ram pumpuia a’rhming an thang tâka.