MATHAIA 4:23 - PATHIAN LEKHABU IRTHIANG C.L. Bible (BSI)

²³ Jisua’n Galili ram murdi ar fanga, an Sinagokhaia irchutirin, Ram Thurchi Sa chu a hrila, Israelhai laia natna tinrêng le hrât nona tinrêng irveihai chu an damhai thiaia.

MATHAIA 4:23 ပူးပေါင်းရင်းမြစ်များ

INPÂKNA HLAHAI 103:3

Ama khan ni pualoina murdi nang a ngaidam hena; Ni natna murdi nang an dam ngaia;

INPÂKNA HLAHAI 74:8

An lungrîla chu, “Insiat zithai ei ti,” an tia. Hi rama Pathian inkhômna in murdi hi an hâl siat zoi tâka.

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

MATHAIA 12:9

Jisua’n kha hmun kha mâkin, Sinagoka a lûta.

MATHAIA 13:19

Tukhomin Pathian Ram thu chu irngaia an inhriat thiam no’n chu mi sual chu a honga, a milunga inthek sai chu ar chupui ngai.

MATHAIA 13:54

a omna khua tiang a kîr nôka, Sinagoka khan a’rchutirhaia; a thu’nsîr inhriat dôrin chu an irngai a’rkhêl tâka, “Hi mi hi vârna le sinirkhêl sin theinahai hi khô taka a ihmu ma ni?

MATHAIA 14:14

Jisua irkuang ata vakama a suakin chu mipuihai kha a hmu’n chu a sân lung an khamhaia, damloihai an damhaia.

MATHAIA 24:14

Khan, hi Ram Thurchi Sa hi nam tin inhriatna hrangin rammual pumpuia ihrilin la om a ta, khanchu, a mongna hong tung a ti.

MATHAIA 3:2

“Irlet roi, Irvân Ram anai tâk e!” a tia.

MATHAIA 9:35

Jisua’n kho lian le kho chînhai ar fanga. Sinagokhaia, a irchuhaia, Pathian Ram Thurchi Sa an sîra, damloi chi tinrêng le natna chi tinrênghai an damhaia.

MARKA 1:14

Khan, Johana kha an chel zoiin chu Pathian Thurchi Sa hrilin Jisua kha Galili rama a honga;

MARKA 1:21

Khan, Kapernaum khua an lûta, Sabat nikhua khan Sinagoka ar chuhai zôia.

MARKA 1:39

Khanchu, Galili ram murdia an Sinagoka lûtin thu an sîr thiaia, ramilhlihai khom an hnot suaka.

MARKA 3:10

Mi tamtak an damtir tâk sikin natna nei murdi’n ama tôn tumin an ûm mur mur tâka.

MARKA 6:2

Sabat ni a hong nia, Sinagoka khan mi a hong irchutir phut tâka; mi tamtak an oma, a thu an inhriatin chu ar khêl an ti tak taka, “Hi hi kho tak ata a inhriat ma ni? A kuang vârna khom ipêka a iom hi? Itin mo sinirkhêl a itho thei hi te?

MARKA 6:6

An iam no sika khan ar khêl a ti ok a ni.

LUKA 10:9

Kha khuahai khan damloi indam unglân, an kuang, “Pathian Ram nin kuang a zuang tung ta,” ti roi.

LUKA 13:10

Voikhat chu Sabat ni’n Sinagok inkhata Jisua’n ar chutirhaia.

LUKA 16:16

Baptistu Johana a hong mâka chu, Mosia Dân le deipuhai lekhabu thuhai kha hmang hrang a nia; kha rengata chu Pathian Ram Thurchi Sa hril a nia, mi tinin lût tumin an inbo sup sup a ni.

LUKA 20:1

Sûn khat chu Jisua’n Tempila mihai Thurchi Sa hrilin ar chutir laiin, Ochai inlalhai, Dân irchutirtuhai le upahai a kuang an honga.

LUKA 4:14

Khan, Jisua kha Irtha Irthiang sinthotheina neiin Galili rama a kîr nôka, kha ram sûnga khan a thurchi an thang tâka.

LUKA 5:17

Sûn khat chu Jisua’n mi ar chutira, a kôla Farisaihai le Dân irchutirtuhai an toia, Galili le Judai ram kho tin ata le Jerusalem ata hong an nia. Mi indam theina hrangin Rengpa Irtha Jisua chunga a oma.

LUKA 6:17

Khan, Jisua le a irchutirhai tâng ata an zuang chum hnungin, a irchutir tamtakhai leh hmun inchama an ngîra, kha hmuna khan mipui tamtak Judahai ram tina irthoka, Jerusalema irthoka, tuikhanglian vapanga khua Tura le Sidon mihai an oma.

LUKA 6:6

Khan, Sabat nikhua danga chu Jisua Sinagoka a lûta, ar chuhaia. Khataka khan mi inkhat kut chang tianga zenginthi a oma.

LUKA 7:21

Kha lai taka khan, Jisua’n mi tamtak damloihai, an natna hai, ramilhli ichelhai an damhaia, mitchohai mit an vâr pehaia.

LUKA 7:22

Khan, Johana irchutirhai kuang, “Fe nôk ta unglân, Johana kuang nin ihmu le nin inhriathai va hril roi, mitchohai an hmu thei ta, kholrahai ke’n an fe thei ta, phârhai an irthianga, kuarsêt hai khom an mikuar a vâra, mithihai kaithoi an ni tâka, inrianghai kuang Thurchi Sa hril a ni ta.

LUKA 8:1

Chomkhat hnunga chu Jisua’n Galili ram kho lian le kho chîna Pathian Ram Thurchi Sa insîrin a fea. Irchutir sômhleihnihai khom an zui ngai.

LUKA 9:11

Mipuiin an inhriatin chu an zuia, a lei lômhaia, Pathian Ram thu a hrila, indam innang ka chu an damhaia.

LUKA 9:60

Jisua’n a kuang, “Mithi’n anni mithi kha irvûi ri sehai; nang chu Pathian Ram thu hi va hril indarh ual roh,” a tia.

JOHANA 18:20

Jisua’n a sâma, “Thangphuangin mi tin kuang thu kin sîr ngai; Juda murdi fe irchunna Sinagok haia, Tempil haia, ki’rchutir mai ngaia, inrûkin ite insîr ngai ma ung.

JOHANA 6:59

Hi thu hi Jisua’n Kapernaum Sinagoka ar chutir laiin a insîr a ni.

JOHANA 7:1

Kha zoi chu Jisua’n Galili ram ar fanga, Judahaiin that an tum sikin Judai ram irfang nuam maka.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

TÎRTÔNHAI SINTHO 18:4

Sabat ni rikipin Sinagoka thu an sîra; Judahai le Grikhai kha in-iamtirhai tumin a beihai ngaia.

TÎRTÔNHAI SINTHO 20:25

“Khasikin, inhre roi, nin rêngin, Pathian Ram thurchi insîra ki’rvâkna ngaihaia hin atûna irthokin chu ni hmu ta no chin nih ti kin hriat.

TÎRTÔNHAI SINTHO 28:31

Pathian Ram thu a hrila, Rengpa Jisua Krista thu, hâi takin mi ar chutirhaia, tûte’n khap mahai.

ROM KHUAA MIHAI KUANGA TÎRTÔN PAULA LEKHATHON 10:15

Tîr an ni no’n chu tu’n mo hril hrang? “Thil sa thurchi hong hriltu ke chu a va sa vang na!” ti irziak ang khan.