MATHAIA 28:19 - PATHIAN LEKHABU IRTHIANG C.L. Bible (BSI)

¹⁹ Khanchu, hmun tina mihai kuang fe unglân, ki irchutirhaiin siam unglân, Pa le Nâipa le Irtha Irthiang irhmingin baptis-hai unglân,

MATHAIA 28:19 ပူးပေါင်းရင်းမြစ်များ

IRPHUTNA 1:26

Khanchu Pathianin, “Ama irangpuiin mihriama siam inlân, tuipui sûnga nga le chunglêng vahai, le sa murdihai chunga irnênga bokvâka thilhring murdihai chunga ircham inneitir ki ti,” a tia.

ISAIA 48:16

Hong nâi unglân, ama hi inhre roi, a phut ata a rûkin thu ki hrila, thil hong tung hranga hin om mai ki ti. Rengpa Pathianin a ni tîra, Irtha khom a ni ipêk a ni.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

MATHAIA 13:52

Khan, Jisua’n an kuang, “Khasikin, Dân irchutirtu, vân Ram thu irchu tâk ka chu, in neipu’n, ar chon kok ata thil milui le thil thar kêlsuatu ang hi a ni,” a tia.

MATHAIA 25:32

a makunga khan nam tin inkhôm an ta, khanchu, belra nghâktu’n kêl le belra a isen angin pâlhniin sen a ti.

TÎRTÔNHAI SINTHO 1:2

a tîrtôn inthanghai kha Irtha Irthiang hmangin chong a bêhaia, irvân tiang ihruaiin a om nî tena thu kha;

TÎRTÔNHAI SINTHO 1:8

Khannisianlân, Irtha Irthiang nin chunga a zuang tung tika sinthotheina la nei nin ti; khanchu, Jerusalema, Judai le Samari ram pumpuihaia kôlkung dênin ki thu inhretuhai nin ini hrang a ni,” a tia.

TÎRTÔNHAI SINTHO 14:21

Kha khuaa khan Thurchi Sa an hrila, irchutir mi tamtak an siam hnungin Lustra-ah an kîra. Ikonioma, Antiokei-haia an fe maia.

TÎRTÔNHAI SINTHO 2:41

A thu zômhai murdi’n baptisma an changa; kha nî khan mi sângthum vêlin an thop sahai tâka.

TÎRTÔNHAI SINTHO 28:28

Pathian saninhringna kha Jentailhai kuang pêk a nih ti inhre roi; anni’n chu irngai irngai an ta,” a tia.

TÎRTÔNHAI SINTHO 9:18

Khanchu, irningloi rengin a mit ata hlip anga om a tâk zôia, a mit a hong vâr nôk tâka. Khanchu, a thoia, baptisma a chang ta.

ROM KHUAA MIHAI KUANGA TÎRTÔN PAULA LEKHATHON 10:18

Khante, an mikuarin an inhriat ngailoi tak tak ma ni? Inhriat e: “An irhâi chu ram tina an thanga, An thu chu kôlkung dênin an thang suak ta,” ti a ni.

1 KORINTH 15:29

Khaang khan a ni no’n te, mithi irthûla baptisma changhai kha itin mo an itho hrang? Mithihai chu kaithoiin an om no hrangin te, i hranga anni irthûla baptisma an ichang ngai mo?

2 KORINTH 13:14

Rengpa Jisua Krista lungkhamna, Pathian lungkhamna le Irtha Irthiang pôlna kha nin rênga chunga om ri se.

GALATIA 3:27

Kristaa baptisma chang murdi’n chu Kristaa khan nin irvô tâk a ni.

EFESI 2:18

Krista zârin ei rêngin Judahai le Jentailhai, Irtha hmunkhatin Pa kuang ei itung suam thei tâk a ni.

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.

1 PETERA toc2 1 PETERA 3:21

Kha irangpui, baptisma hin, Jisua Krista thoinôkna sikin atûn hin nangni a isaninhring ta a ni; baptisma chu taksaa porinche irsûkinfâina vai ni maka, sia le sa inhriatna irthiang taka Pathian kuanga thu inkungna hi a ni ual.

1 JOHANA 5:7

Inhriatpuitu inthum an om: