MATHAIA 27:46 - PATHIAN LEKHABU IRTHIANG C.L. Bible (BSI)

⁴⁶ Chohnung dâr thumin chu Jisua kha hnuk irhai inring takin a khêka, “Eli, Eli, lema sabakthani?” a tia. Kha kha “Ki Pathian, Ki pathian itho mo ni ni imâksan?” tihna a ni.

MATHAIA 27:46 ပူးပေါင်းရင်းမြစ်များ

INPÂKNA HLAHAI 22:1

Ki Pathian, ki Pathian, ithoa mo ni ni irotsan? Ithoa mo ni changpui hrangin ni hla bâka? Kin hrûmna thuhai ata ni ihla hi?

INPÂKNA HLAHAI 71:11

“Pathianin a rotsan ta: Irzûl unglân, chel roi; saninzôktu hrang zel om mahai,” tiin.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

CHAP HLA 1:12

Khualinzin chaiirvâkhai kuang khan, Ni en roi, tukhom keima anga tuang hi la om ngai mahai. Rengpa ningmurna nikhua a tunga, ki itong a ni ta hi:

MATHAIA 27:47

Kha hmuna ngîr senkhathaiin ama kha an inhriatin, “Elija a ikoi kêng,” an tia.

MARKA 15:34

Dâr thumin chu Jisua kha inring takin a khêka, “Eli, Eli, lema sabakthani?” a tia. (Kha kha “Ki Pathian, ki Pathian, itho mo ni ni imâksan?” tihna a ni.)

LUKA 23:46

Jisua kha inring takin a khêka, “Ka Pa, ki’rtha ni kuta nang kin koltir,” a tia. Kha kha a ti zoiin chu a hrang a chat tâka.

HEBRAI toc2 HEBRAI 5:7

A taksa irput lai sûnhaia khan Jisua’n thina irthoka ama saninhring theitu Pathian kuang a sâna inringa khêkin le ngênna hai a neia, irngaiintôma ar pêkna sikin irngai pe’n a om.