MATHAIA 27:25 - PATHIAN LEKHABU IRTHIANG C.L. Bible (BSI)

²⁵ Mipui murdi’n, “Hi mi thisen mophurna chu keini le kin nâihai chunga tung ri se,” tiin an sâma.

MATHAIA 27:25 ပူးပေါင်းရင်းမြစ်များ

2 SAMUELA 1:16

Davida khan Amalek mi kuang khan, “Ni thisen chu nangma lu chunga om ri se. Ni bâi ngeiin Rengpa sahriak irthutir kha ki ithat tiin nin puang tâk sikin,” a tia.

1 RÊNGHAI 2:32

Ka pa Davida inhre loiin mi inhni a doihaia. Rengpa khan an thisen suakna man tuam ri se. Khan mi inhni, Nera nâipa Abnera, Israel, sipai ulian le Jethera nâipa Amasa Juda sipai ulianpu kha, ama irthûla that le invûng an ini a nia.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

NAMBAR 35:33

Khanchu, nin omna ram kha, porinchetir hrang ni ma, thisen khan ram kha nin porinchetir tâka, thisen suakna ram porinche sôpna hrang khan thisen insuaktu thisen ringot no chu hmang thei ni mah.

MATHAIA 21:44

Tukhom kha lung chunga tûk ka chu irnôi an ta, a idel len vâng chu irnôi indi chit an ti,” a tia.

TÎRTÔNHAI SINTHO 18:6

Khannisianlân, Judahaiin an doia, an insîrinsiatin chu Paula’n a puan an thika, “Nin thi khomin nangni mophurna a ni ta, kei chu ki’rthiang ta. Atûn chu Jentailhai tiang irhei ta ki ti,” a tia.

TÎRTÔNHAI SINTHO 5:28

“Hi Jisua irhminga thu insîr viat ta loi hrangin thu nangni kin pêka; irngai u ta, nin thu irchutir Jerusalem pumpui nin insip zit tâk hi te; hi mi thina hi keini chunga nin ni intum a ni hi te,” tiin a sâmhaia.

TÎRTÔNHAI SINTHO 7:52

Nin puhaiin deipuhai laia tu mo deng an inthei loi? Mi fel Tak, hong hranga thu lei hriltuhai kha an thathaia, atûn nangnihai hi, kha Mi fel tak incheltirtu le thatpuhai kha nin ni.

DÂN INHNINA 19:10

Rengpa nin Pathianin ram nangni a ipêka hin khaang khan tho unglân, poi tholoi thisen insua no roi, a mô nin ipêl sa hrang ni ma.

DÂN INHNINA 19:13

Lunginkham viat no roi, Israelhai laia mi that inboi roi; khanchu, lam tinrênga irhniang nin ti.

JOSUA 2:19

kholaia tukhom suak no ri sehai, a suak an omin an thisen mô chu anni’n pêl an ti.