MATHAIA 26:58 - PATHIAN LEKHABU IRTHIANG C.L. Bible (BSI)

⁵⁸ Petera khan hla vit ata Ochai inlaltak in tual dênin a zuia. In tual sûnga a lûta, an roirêl mongna ten hmu tumin siahlohai laia a toi saa.

MATHAIA 26:58 ပူးပေါင်းရင်းမြစ်များ

MATHAIA 26:3

Khanchu, Ochai inlaltak Kaiafa ina irhmukhômna an neia,

MATHAIA 5:25

“Ni irdoipui kha lampuia nin fe suam laiin irngeipui lat roh; khano’nchu, roirêltu nang incheltir a ta, roirêltu’n chu sipai kuang nang inhlan a ta, intângna ina nang khumna lik an ti.

LUKA 22:54

Jisua an chel tâka, Ochai inlaltak ina an hruai lût ta; Petera khan hla vit ata a zuia.

JOHANA 18:25

Simon Petera khan ngîrin mei lum a la uata, “Nang khom hi irchutirhai laia mi ni mak che mo?” an tia. Khan Petera’n a phila, “Ni ma ung,” a tia.

JOHANA 19:6

Ochai inlalhai le a nghâkhaiin an hmu’n chu, “Krosa hembe roh, Krosa hembe roh,” tiin an khêka. Pilata’n an kuang, “Nangni’n hruai unglân, Krosa hembe roi, keiin chu ite a chunga a sualna hmu ma ung,” a tia.

JOHANA 7:32

Farisaihaiin chu a chungchâng mipuiin inrûka an insîr sup sup kha an inhriata, Ochai inlalhai le Farisaihai khan Jisua chel hrangin enkoltuhai an tîr tâka.

JOHANA 7:45

Enkoltu sipai chu Ochai inlalhai le Farisaihai kuang khan an kîr nôka, anni khan, “Ithoa mo nin hong ihruai loi?” an tia.

TÎRTÔNHAI SINTHO 5:22

An mi tîrhai kha an va fea, khannisian, intângna ina khan va hmu mahai, an hong kîr nôka,

TÎRTÔNHAI SINTHO 5:26

Khanchu, tempil hruaitu kha a chanpuihai leh an honga tîrtônhai kha nakhrât song loiin an hong hruaihaia, nakhrât an songin chu mipuiin lungin dênghai an tih ti an chi sikin.