MATHAIA 26:45 - PATHIAN LEKHABU IRTHIANG C.L. Bible (BSI)

⁴⁵ Kha zoia chu a irchutirhai kuang a honga, an kuang, “Atûn ten inmusu’n nin la irngam chian mo? Irngai u ta, a zoro chu a hong tung ta. Mihriam Nâipa hi mi sualhai kuta an incheltir hrang a ni ta.

MATHAIA 26:45 ပူးပေါင်းရင်းမြစ်များ

1 RÊNGHAI 18:27

Sûna chu Elija’n innuipumin, “khêk ual roi ba, Pathian a ini loi ma ni? a la insâp mani ramfe itin ma ni, aninole khual a inzin ma ni! a in irnghil mani, kaithoi roi ba,” a tia.

THUHRILTU 11:9

O vânglai, ni vânglai nikhuahai hin raifân takin hmang ro, ni vânglai nikhuahaia khan ni milung chu raifânin om sianlân, ni itho nuamhai chu tho’n lân, ni milung irzukhai chu tho ro, khannisian, ni sintho murdihai chunga Pathianin roi la rêl a ti, ti inhre mai roh.

MATHAIA 26:18

Ama khan, “Khopuia tu mo khat kuang va fe unglân, a kuang, ‘Irchutirtu khan ki zoro anâi tâka, ki irchutirhai leh Ferkân kût ni ina hmang kin ti duah, a ti’ va ti roi,” a tia.

MATHAIA 26:2

“Sûn hni hnunga Ferkân kût a hong iom hrang a nih ti nin inhriat, Mihriam Nâipa hi hembe hrangin ipêk ni a ti,” a tia.

MATHAIA 26:44

A mâkhai nôka, a voi thumna’n a iti ngai dên kha ti nôkin a chongchai nôka.

MATHAIA 26:46

Thoi unglân fe ta ei ti, en u ta, a nin chel hrangtu hi a hong nâi ta,” a tia.

MARKA 14:35

Maton tiang a va fe viata, irnênga khûksadelin, thei a ni’n chu, kha tuangna zoro kha irlêk hrangin a chongchaia.

LUKA 22:53

A nitin, Tempila nin laia ki om ngai lai khan ni chel mak chêia; khannisianlân, inthim irchamneina’n roi a rêl lai hin nin sintho zoro a ni,” a tia.

JOHANA 12:23

Jisua’n a sâma, “Mihriam Nâipa chôiindôma a om zoro a hong tung ta.

JOHANA 12:27

“Atûn hin ki lungrîl a na tak taka, imo ki iti hrang tâk? ‘Ka Pa, hi zoro ata hi ni saninhring roh’ ki iti hrang ma ni? Ti no ning, hi dûk tuang hrang piala zuang kêng ki ini,” a tia.

JOHANA 13:1

Ferkân Kût hrang a hong ni tâka, Jisua’n hi rammual suaksana Pa kuang a fe zoro a tung ta ti an hriata; Ama mi, rammuala om a lungthunghai chu a mong dênin lung a thunga.

JOHANA 17:1

Kha thu kha Jisua’n an sîra, irvân tiang a tanga, “Ka Pa, a zoro a tung ta; ni Nâipa chôiiindôm roh, Nâipa khomin nang a chôiindômna hrangin;