MATHAIA 26:29 - PATHIAN LEKHABU IRTHIANG C.L. Bible (BSI)

²⁹ Nangni ki hril, ka pa Rama nangni leh uain thar ki in nî a tung mâka chu hi uain hi in nôk ta no ning,” a tia.

MATHAIA 26:29 ပူးပေါင်းရင်းမြစ်များ

INPÂKNA HLAHAI 104:15

Mihriam lungrîl inlômtirna hrang sahriak le mihriam lungrîl inhrâttirna bai le.

INPÂKNA HLAHAI 4:7

An bu le an uain hong inlâp zoro’n an lômna irthûla, Lômna irkhêl ual ki milunga hin nin omtira.

INPÂKNA HLAHAI 40:3

Hla thar ki bâia a sia tâka, ei Pathian inpâkna chu: Mi tamtakin khahai kha hmu an ta, chi an ta, Rengpa chu iam ta an ti.

HLAHAI HLA 5:1

O ki lungdi le ki rualnu, ki’rhuan sûnga ki lûta, rimhoi le mura-hai chu ki’rkhôma; Ki uain tui le ki sehrât irhnutui chu ki ina. Rual lungthung takhaio! fa unglân, in unglân, lungkhamna nin inrui mâsenga chu.

ISAIA 25:6

Hi tânga hin Itinrêng Rengpa’n mi murdihai hrangin hruai inthe a ta, Uain thum a sa chi le a hnînghai le, sâ khom a tui zât inzenin sinsiam a ti.

ISAIA 53:11

A sinthôna ra a hmu tena chu, a tuangna chu man boi ni mah ti inhria a ti. Ki siahlo feltakin, mi tamtak saninzôkhai a ta, an sualnahai pêl pehai a ti.

ZEFANIA 3:17

RENGPA ni Pathian kha ni chunga a om e, Saninhringtu hrang mi hrât tak kha: Lômin ni chunga raiinfân a ta, a lungthungna inthartir a ta, hla sakin ni chunga lôm a ti.

ZAKARIA 9:17

Ram kha i dôr takin mo enhoiin sa ta ni! An bu chu ruathartehaiin raiinfân an ta, An uain tharin dôngmatehai chu an raiinfântir pehai a ti.

MATHAIA 13:43

Khanchu, Pathian nâihai chu an Pa Rama misa angin vâr ta an ti. Irngai roi, mikuar nei murdi’n chu!

MATHAIA 16:28

Thudik nangni hril ki ti, hitaka ngîr senkhathai hi, Mihriam Nâipa, inlal taka a zuang an hmu mâka chu thina irtem loi hrang an om,” a tia.

MATHAIA 18:20

Mi inhni mani inthum mani ki’rhminga an irchunkhôm rikipin an kuang om ngai ki ti,” a tia.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

MATHAIA 26:28

hi hi ki thisen mi tamtak sual ngaidamna hranga suak hrang, Pathian thuthung indetpu kha a ni.

MATHAIA 26:30

Kha zoiin chu hla inkhat an saka, an sak zoiin chu Oliv tâng tiang an fe ta.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

MARKA 14:25

Nangni ki hril; Pathian Rama uain thar ki in nî a tung mâka chu hi uain hi in nôk ta no ning,” a tia.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

LUKA 15:32

Hi ni sangpa thi tâk hi, a ihong hring nôk ta a ni, ar hmang tâk kha ei ihmu nôk ta a ni hi te,’ raifân taka om hrang kêng ei ini,” a tia.

JOHANA 15:11

“Ki lômna hi nangnia a om mai theina hrang le nin lômna ar kip theina hrangin hi thu hi nin kuang ki insîr a ni.

JOHANA 16:22

Khaang khan nangni khom atûn hin nin char a donga, khannisianlân, nangni hmu nôk ki ti, nin lungrîl lôm a ti, nin lômna kha tûte’n nangni lâkpai pe no nihai.

JOHANA 17:13

Atûn ni kuang hong kîr hrang ki ni ta, hi thil hi rammuala ki insîr a ni; ki lômna annia an nei irkipna hrangin.

TÎRTÔNHAI SINTHO 10:41

Mi tin hmua chu inlâr mah, Pathianin inhretu hranga a lei inkung keinihai vai hin kin hmu; a thoi nôk hnung khan kin fâkin kin in suam ngai a ni.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.

THUPHUANG 14:3

Rengtoihmun le thilhring minlihai le upahai makunga khan mi nuaikhat sîngminli le sângminli kha an ngîra, hla thar, anni vai irchu thei kha, an saka. Rammuala mi murdi laia kha mihai vai kha inhlan an ni.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.