MATHAIA 25:46 - PATHIAN LEKHABU IRTHIANG C.L. Bible (BSI)

⁴⁶ “Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

MATHAIA 25:46 ပူးပေါင်းရင်းမြစ်များ

DANIELA 12:2

Khan an laia tamtak irnêng vâiphina zâlhai chu hong har nôk an ta, senkhat inzâna le senkhat chu kumtuanga hmumâkin.

MATHAIA 13:43

Khanchu, Pathian nâihai chu an Pa Rama misa angin vâr ta an ti. Irngai roi, mikuar nei murdi’n chu!

MATHAIA 19:16

Khan, mi inkhat Jisua kuang a honga, “Irchutirtu, kumtuang hringna ki nei theina hrangin i sin sa mo ki itho hrang?” tiin a’rdona.

MATHAIA 19:29

Tukhom ki’rhming sika in mani, urêng mani; farnuhai mani, pa mani, nu mani, nâihai mani, ramhai mani mâksan chu a bâk irzain hmu an ti; kumtuang hringna la dong sa an ti.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

MATHAIA 25:45

Ama khan, ‘Thudik nangni ki hril, hi mi chîntehai laia inkhat chunga nin itho loi chu ki chunga tho loi nin ni,’ tiin la sâm a ti.

LUKA 16:26

Khabana, hitak ata nangni kuanga fe tumhai mo, kha tiang ata keini tianga hong tumhai mo, an kâi thei nona hrangin irnêng chat inthûk tak ei kâra a iom kêng,’ a tia.

JOHANA 17:2

Mi murdi chunga irchamneina a kuang ni pêk tâk sikin, Ama khomin ni ipêk murdihai kuang kumtuang hringna a pêk theina hrangin.

JOHANA 3:36

Tukhom Nâipa iam chu kumtuang hringna an nei ta; Nâipa thu zôm loi chu hringna nei no nihaia, an chunga Pathian ningmur kha a om mai a tia.

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

JOHANA 5:24

“Thudik nangni ki hril, tukhom ki thu inhriata, a ni tîrtu iam chu kumtuang hringna a nei ta, thiamno changin om ta no nia, thina ata hringnaa a ilût tâk a ni.

JOHANA 5:29

Khan, thân ata hong suak an ta, sin sa thotuhai chu hringna neiin hong thoi nôk an ta, sual thotuhai chu thiamloi chang hrangin thoi nôk an ti.

JOHANA 6:27

Bai a hek nôk thei irzûlin irvâk irvâk no unglân, kumtuang dêna om mai hrang hringna bu, Mihriam Nâipa’n nangni a ipêk hrang kha zong ual roi, Pathian, Pa khan ama a’rsinsia tâk sikin,” a tia.

JOHANA 6:40

Ka Pa nuamlam chu hi hi a ni; Nâipa hmua ama iam murdi’n kumtuang hringna an neia, anni kha zoro hnungkhôna chu kaithoihai ki ti,” a tia.

TÎRTÔNHAI SINTHO 13:46

Paula le Barnaba khan hâi takin, “Pathian thu hi nangni kuang hril masa hrang rêng a ni; khannisianlân, nin hnôla, kumtuang hringna nei zel loia nin irngai hnung chu inhre roi, Jentailhai tiang irhei kin ti.

TÎRTÔNHAI SINTHO 13:48

Khanchu, Jentailhai khan kha thu kha an inhriatin chu an lôma, Pathian thu an chôiindôm tâka, kumtuang hringna dong hranga inthang murdihai khan chu an iam tâka.

TÎRTÔNHAI SINTHO 24:15

Pathian ki iama, mi fel le felloihai thoi nôkna a om tih ki iam sa; kha kha anni ngeiin an iam sa.

ROM KHUAA MIHAI KUANGA TÎRTÔN PAULA LEKHATHON 5:21

Khanchu, sual chu thina’n roi a rêla; ei Reng Jisua Krista zâra kumtuang hringna ei nei theina hrangin Pathian lungkhamna khan thiam inchangtirna’n roi a irêl tâk a ni.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

GALATIA 6:8

Mâni taksa tianga tûtu chu taksaa siatna ât a ti. Irtha tianga tûtu chu Irthaa hringna ât a ti.

2 THESALONIKA toc2 2 THESALONIKA 1:9

Kha mihai kha Rengpa makunga le a sinthotheina roiinpui taka irthokin kumkhua siatnaa khan pai ni an ti.

1 JOHANA 2:25

Hi hi a ni a thu’nkung, Krista ngêtin ei kuang a inkung kumtuang hringna hi.

JUDA 1:21

Pathian lungthungna khan irvong insa unglân kumtuang hringna hrangin ei Rengpa Jisua Krista lungkhamna kha nghâk roi.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

THUPHUANG 20:15

Tukhom hringna lekhabua ar hming chuang loi ka chu meidîla khan an pai thâk sa ta.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.