MATHAIA 25:44 - PATHIAN LEKHABU IRTHIANG C.L. Bible (BSI)

⁴⁴ Anni khom khan, ‘Rengpa, itika khan mo phîngchâmin mani, tuiinhrâlin mani, mikhualin mani, silkai irsamin mani, damloiin mani, intângna ina mani nang kin hmua nang kin idonsui loi?’ tiin la sâm an ti.

MATHAIA 25:44 ပူးပေါင်းရင်းမြစ်များ

JEREMIA 2:23

Porinchein om ma unga, Baal khom chubai mûk viat ma ung, itin mo ni la iti mai hi? Irhôra ni sual dânhai kha enin lân, ni thil thohai kha hmu roh. Rama saringseipui ihura om hrang dân inhre loia an tâna.

JEREMIA 2:35

ite tho’nchâi ma unga; ‘Rengpa chu ki chunga a ning a inmur pe ta loi a ni,’ ni tia. Aniachu, keima Rengpa’n sual sin loi anga nir huang sikin, dûk nang tho ki ti.

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

MALAKIA 2:17

Nangni rêkin chu, ia khan mo kin insôltir? nin tia. Thilsual thotu murdi Rengpa mithmua mi sa an nia, an chunga khom a sân a lôm ngai nin ti ngaia, roirêl felna Pathian kha khôn mo a iom? nin itihaia hin a ni.

MALAKIA 3:13

Ki chunga nin thuhai kha a sân a ngar, Rengpa khan a ti. Nangni rêkin chu, ia khan mo kin insîr? nin tia.

MATHAIA 10:41

Tukhom Pathian tirtôn kha Pathian tirtôn a nina sika lei lôm chu Pathian tirtôn lômman hmu a ti. Tukhom mi fel chu mi fel a nina sika lôm chu mi fel lômman hmu a ti.

MATHAIA 25:43

Mikhual ki niin nin tungtir mak chêia; silkai ki’rsamin puan nin siltir mak chêia, ki damloi lai le intângna ina ki om laiin ni donsui mak chêia,’ la ti a ti.

MATHAIA 25:45

Ama khan, ‘Thudik nangni ki hril, hi mi chîntehai laia inkhat chunga nin itho loi chu ki chunga tho loi nin ni,’ tiin la sâm a ti.

MATHAIA 5:6

“Felna sika phîngchâma tuiinhrâlhai chu an vân a sa e, an la ikhop hrang a ni.

MATHAIA 7:22

Kha nikhuaa khan mi tamtakin, ‘Rengpa, Rengpa! Ni’rhmingin thu kin insîra, ni’rhmingin ramilhlihai kin inhnot suak ngai, ni’rhmingin sinirkhêlhai kin itho ngai loi ma ni?’ la ti an ti.

LUKA 10:29

Khannisianlân, Dân irchutirtu khan thiam chang nuamin, Jisua kuang, “Tu mo ki bômhai?” a tia.