MATHAIA 25:41 - PATHIAN LEKHABU IRTHIANG C.L. Bible (BSI)

⁴¹ “Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

MATHAIA 25:41 ပူးပေါင်းရင်းမြစ်များ

INPÂKNA HLAHAI 119:115

Ki Pathian thupêkhai ki zôm theina hrangin, Thil saloi thotuhai, ki kuang ata rotpai roi,

INPÂKNA HLAHAI 119:21

Mi lârirpâk, khosâl tonghai chu ni hala; Ni thupêk zôm ngai loihai chu.

INPÂKNA HLAHAI 139:19

O Pathian, mi siahai chu that ngêtin lân; A ni, thisen insua ngai mihai khan ni ma ri sehai.

INPÂKNA HLAHAI 6:8

Nangni thil tho’nsual murdihaio, ni rotsan zit roi; Rengpa’n ki chap irhâi an hriat tâka,

ISAIA 66:24

An suak tiang chu keima ni doia tehelzong ngaihai ruak kha hmu an ta, a thua irlung omhai chu thi zoi zât ni no ni, a kâng hrang mei khom chuai no ni, mi murdi’n intirom ti ok an ti.

JEREMIA 17:5

Khan Rengpa’n, “Mi’n hnung ni songsana, mihriam chunga irnghat chu, a fam thei mihriam hrâtna irnghattu chu thiam loi ki inchangtir hrang a ni.

MATHAIA 13:40

Farhlihai chu irtika, meia an ihâl angin rammual hek tika chu a iom hrang a ni;

MATHAIA 13:42

mei thi thei ngai loia khan pai an ta, kha khan chap an ta, an irkamnôi an ti.

MATHAIA 13:50

mei thi thei ngai loia khan pai an ta, kha khan chap an ta, an irkamnôi an ti,” a tia.

MATHAIA 18:8

“Ni kutin mani, ni ke’n mani, nang an tûktirin chu tanpaiin lân, pai chian roh! kut kiang hni mani, ke kiang hni mani neia kumtuang hremhmuna nang pai nêkin chu kut boi, ke boia hringnaa lût ni ta hrangin a sa ual.

MATHAIA 25:42

Ki phîng a châmin nangni’n fâk hrang ni pe mak chêia, ki tui an hrâlin in hrang ni pe mak chêia;

MATHAIA 25:46

“Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

MATHAIA 3:12

Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.

MATHAIA 4:10

Jisua’n a kuang, “Setan, rot pat ro, ‘Rengpa ni Pathian chu chubai mûkin lân ama sin vai tho ro,’ ti irziak a ni,” a tia.

MATHAIA 5:22

Keima’n chu nangni ki hril, mâni urêng chunga ningmur chu a chungthu rêl ni a ti; a urêng “hmangnaboipa” ti chu Sanhedrin-ah rêl ni a ti; a urêng “invêtpa” ti lenvâng chu hremhmun meia fe inruk a nih ti nangni ki hril a ni.

MATHAIA 7:23

Kha zoiin chu, ‘Nangni thil sual thotuhaio, nangni inhre ngai ma ung, ki kuang ata rot pat roi,’ tiin la hrilhai ki ti.

LUKA 13:27

Khannisian, ama khan, ‘Nangni ki hril, kho tianga mi mo nin ini, nangni inhre ngai ma ung; ki kuang ata rot roi, mi pualoihai!’ nangni ti nôk a ti.

LUKA 16:24

Khan, a hong sâma, ‘Ka pa Abrahama, lung nin khamin lân, Lazara kha a kut pâr hmor tuia inchie sianlân, ki milei indâi hrangin zuang tîr ro ba, hi mei choka hin a sân ki na tak tak kêng,’ a tia.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

2 THESALONIKA toc2 2 THESALONIKA 1:7

Rengpa Jisua kha irvân ata ama vântîrtôn sinthothei takhai le meichok laia a zuang inlang tika, nangni intak tuanghai hi hong irngamtir a ti, keini khom ni’rngamtir a ti.

2 THESALONIKA toc2 2 THESALONIKA 1:9

Kha mihai kha Rengpa makunga le a sinthotheina roiinpui taka irthokin kumkhua siatnaa khan pai ni an ti.

HEBRAI toc2 HEBRAI 6:8

Khannisianlân, kha irnêng khan ilhling le hloi an suaktirin chu chanlamboi a nia; Pathian khomâksâm ichiomin a oma, inhnunga chu hâl irhmang a ni ngai.

2 PETERA toc2 2 PETERA 2:4

Vântîrtônhaiin thilsual an tho lai khan Pathianin hôihai ma, hremhmuna a paia, Roirêl Ni nghâk hrangin khura inthima khan an iom tâk a ni.

1 JOHANA 3:10

Pathian nâihai le Diabola nâihai inlang infelna chu hi hi a ni: tukhom thil dik tholoi le a urêng lungthung loi chu Pathiana suak ni mah.