Phîngchâmhai chu nin bu semhai unglân, a chai inlênghai chu nin in sûnga hruai inlûthai roi; korongboia nin ihmuhai chu sil le bom pehai unglân, nin urênghai masanhai no roi.
A’rzalhai donsui ngai loiin, dam loihai khom indamtir tum ngai mak chêia, a pop a liamhai khom tuam pehai loiin, ar hmanghai khom zonghai ngai mak chêi, a rothai khom hruai kîrhai loiin. Nunsia takin kêng nin ilohai ngai.
Mikhual ki niin nin tungtir mak chêia; silkai ki’rsamin puan nin siltir mak chêia, ki damloi lai le intângna ina ki om laiin ni donsui mak chêia,’ la ti a ti.
Mi’ntânghai tuangna kha nin tuangpuia, nin neinun murdi nangni an lâk pe lai khomin, kumtuanga sôi hrang thil sa ual nin la neih ti inhriatin, kha nin inchânna khom kha lôm takin nin ituang a ni.
Pathian mit hmua sakho biak dân irthiang le sual kop loi chu hi hi a ni: fara le meithâihai an intak laia donsui le rammual porinche kop loia irvong insa hi a ni.