MATHAIA 25:31 - PATHIAN LEKHABU IRTHIANG C.L. Bible (BSI)

³¹ “Khan, Mihriam Nâipa chu vântîrtôn murdi leh roiinpui taka a zuang tikin chu, a rêngtoihmun roiinpui taka toi a ta,

MATHAIA 25:31 ပူးပေါင်းရင်းမြစ်များ

INPÂKNA HLAHAI 9:7

Rengpa chu kumkhua hrangin rênga a toia: A rêngtoihmun chu roirêlna hrangin a siam insa ta.

ZAKARIA 14:5

Khan nangni chu hi mual inhnihai kâra irhôr ata hi zôk nin ta, nin irchibulhaiin Judai ram rêng, Uzia inlal laia hnîngnupui ata an izôk ang khan nangni khom zôk nin ti. Rengpa ki Pathian chu vântirtônhai murdi leh zuang a ti.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 19:28

Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.

MATHAIA 25:6

“Zânlai taka chu ‘Moineitu a zuang ta! A don hrangin hong suak ta roi!’ tiin khêk irhai a zuang om tâka;

MATHAIA 26:64

Jisua’n a kuang, “Ni ni ti mai tâk khate. Khannisianlân nangni ki hril: nakana chu, atûn ata Mihriam Nâipa hi Itinrêngthothei chang tianga toia, irvân sûm chunga zuang la hmu nin ti,” a tia.

MARKA 14:62

Jisua’n a kuang, “Ki ni, Mihriam Nâipa hi sinthotheitu chang tianga toiin, irvâna sûm kâra zuang la hmu nin ti,” tiin a sâma.

MARKA 8:38

Tukhom atûnlaia mihai, uire hmang le sual takhai laia keima le ki thu inzakpui chu, Mihriam Nâipa hi vântîrtôn irthianghai le a Pa roiinpuina leh a zuang tika chu lan zakpui a ti,” a tia.

LUKA 22:69

Khannisianlân, atûn ata chu Mihriam Nâipa hi Pathian sinthotheina chang tiang toi ta a ti,” a tia.

LUKA 9:26

Ki thu le keima nin zakpui ka chu Mihriam Nâipa khomin a roiinpuina le, Pa le vântîrtôn irthianghai roiinpuina le, a zuang tika anni kha lan zakpui a ti.

JOHANA 1:51

Khan, a kuang, “Thudik tak nang kin hril, irvân irhonga vântirtônhai Mihriam Nâipa chunga a chum le a kâi la hmu nin ti,” a tia.

TÎRTÔNHAI SINTHO 1:11

Kha mihai khan, “Galili mihaio, ithoa mo irvân tiang enin nin ingîr mai? Hi Jisua nin kuang ata irvâna lâkpai hi irvâna a ikâi nin hmu ang takin zuang nôk a ti” an tia.

1 THESALONIKA 3:13

Khanchu ei Rengpa Jisua khan a mi’rthianghai murdi leh a zuang tika, Pathian ei Pa makunga khan irthiang le sêlna boia a om theina hrangin nin milung indet ri se.

1 THESALONIKA 4:16

Rengpa ngei kha thupêk khêk irhai le, vântîrtôn roiinpui tak irhai le, Pathian bekul irhai le irvân ata zuang chum a ti, Kristaa thi tâkhai kha thoi masa an ti.

HEBRAI toc2 HEBRAI 1:8

Nâipa chungchâng rêk chu Pathianin ama hi a iti a ni, “O Pathian, nin lalna ram chu kumtuangin om mai a ti! Ni mihai chunga felna’n roi ni rêl ngai.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

JUDA 1:14

Adama irchi fe thiai a sarina, Enoka khan hihai chungchâng hi an lei hrila, “En u ta, Rengpa chu a mi irthiang sâng tamtak leh zuang a ti.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

1 SAMUELA 2:10

Rengpa doituhai chu koi irnôi chit an ta, Irvân ata khonri’n doi a ti. Rengpa khan rammual pumpui chunga roirêl a ta; a rêng kha hrâtna pe a ti. A hriak irthu ngai hrâtna kha chôiirsâng a ti,” a tia.