MATHAIA 25:24 - PATHIAN LEKHABU IRTHIANG C.L. Bible (BSI)

²⁴ “Talent inkhat dongtu khom kha a hong, ‘Ka pu, ni ni ti kher kher ti kin hriata, ni itû loina khom ni bûm ngaia, chi ni inthek loina khom a ra ni ât ngai a ni.

MATHAIA 25:24 ပူးပေါင်းရင်းမြစ်များ

ISAIA 58:3

‘Bu kin ngheia, itina moh ni ihmu loi? Ni ni’rngaitua pe no hrangin chu, itho moh phîngchâm tuang kin ta?’ nin tia. Nin bu nghei hi a hoihôkin nin hmanga, nin sinthotuhai chu nin râi phiarhai ngai.

JEREMIA 2:31

Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

MATHAIA 18:24

A hong infelin chu, mi inkhat, talent sîngkhat intâng, a kuang an hong hruaia;

MATHAIA 20:12

‘Hi a hnungkhôn takhai hin dârkâr khat vai an sina, keini chu misa luma sûn misa tâk dênin kin sina, khan khomin, keini idong dôr ngêt anni khom ni pêkhaia!’ an tia.

MATHAIA 25:25

Khasikin, nang ki chia, ni talent kha irnênga ki phûma, en ta, ni ta dên kha ni ihmu nôk a ni,’ a tia.

MATHAIA 25:26

A pu khan a sâma, a kuang, ‘Nangma siahlo sual le thaboipa, ki itû loina khom ki âta, ki inthek loinaa khom a ra ki bûm ngai ti nin hriat mo?

MATHAIA 7:21

“‘Rengpa, Rengpa,’ ni ti narânhai chu irvân Rama lût no nihaia, ka Pa irvâna mi nuamlam thotuhai kêng an ilût hrang.

LUKA 15:29

A pa kha a sâma, ‘Irngai roh, kumkhua’n ni ta hrangin suak sinin ki sina, ni thupêk lak pom loiin om ma unga, khan khomin ki rualhai leh lômna hrang kêlte lua ni pe ngai mak chea.

LUKA 19:13

A suak sômkhat a koihaia, rângachak sum inkhat a pêkhai senga, an kuang, ki om no kârin len pung roi,” a tia.

LUKA 6:46

“Itho mo ki thu zôm loia Rengpa, Rengpa, nin ni iti?

ROM KHUAA MIHAI KUANGA TÎRTÔN PAULA LEKHATHON 8:7

Taksa nuamlam chu Pathian a doia; Pathian Dân zôm maka, zôm khom zôm thei ual mah;

ROM KHUAA MIHAI KUANGA TÎRTÔN PAULA LEKHATHON 9:20

Khannisian, o mihriam, Pathian sêltu kha tu mo ni ini? Thil siam khan a siamtu kuang? “I hrang mo hiang hin ni ni isiam?” a iti hrang ma ni?