MATHAIA 24:39 - PATHIAN LEKHABU IRTHIANG C.L. Bible (BSI)

³⁹ tui a hong liana, an rêngin an irhmang zit mâka chu imo a hong itung ite inhre mahai; Mihriam Nâipa zuang nôkna chu, khaang tak khan nih a ti;

MATHAIA 24:39 ပူးပေါင်းရင်းမြစ်များ

IRPHUTNA 7:23

Pathianin a thilsiam hai, mihriam, ramsa, sahai, vahai le irnênga bokvâk murdihai an thi zoia. Nova le irkuanga lût ti no chu zôkin hmu hrang om ta mahaia.

THUVÂRHAI 23:35

“An ni zêma, khannisian ite lak inhre ta ma ung. Itho mo ki ihar thei viat loi? La in nôk mai ki inang kêng” ti nih ti.

THUVÂRHAI 24:12

“Kei chu ite inhre ma ung” ni ti thei, Pathianin chu ni lungrîl tumna an hriata, a ivarh mai kêng. Nang a thîr chiana; nang an hriat zit. Ni sintho lam ang takin nang thuan nôk a ti.

THUVÂRHAI 29:7

Mi fel khan inrianghai chungchâng thu an hriatpuia, mi siahai rêkin chu kha thilhai inhriat thiamna nei ngai mahai.

ISAIA 42:25

A ningmurna chu a chunga an sum pehaia, Irdoina irkhêltak an tuang ta. Israel chunga ningmurna chu ar al tâka, an kâng innahaia, inhre mahaia, ite uksak nuam viat loiin an oma.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 24:3

Khan, Jisua’n oliv tânga a toi laiin, a irchutirhaiin a bingin an hong irhmupuia, “Nin hril ta, hihai hi itika mo a itung hrang? Ni zuang nôkna hrang le rammual mongna hrang irsinsiana sinirkhêl kha i imo a iom hrang?” tiin an irdona.

MATHAIA 24:30

Kha zoro tika chu irnênga nam tinrêngin chapin an rôp irchûm an ta, Mihriam Nâipa hi sinthotheina le roiinpuina irkhêl tak le irvân sûm laia a zuang hmu an ti.

MATHAIA 24:37

Mihriam Nâipa zuang nôkna chu Nova dam laia ang khan ni a ti.

MATHAIA 24:40

Kha tika chu mi inhni loia sin an ta, inkhat ihruaiin om a ta, inkhat imâkin om a ti.

LUKA 19:44

ni sûnga om ni nâihai ten luan nang pai rak an ti; ni sûnga lung irchon rêng rêng hôi no nihai, Pathianin nang a zuang kan lai kha nin hriat no sikin, kha kha ni chunga hong tung a ti,” tiin.

JOHANA 3:20

Thil sual tho murdi’n vâr an khôkmâk ngaia, vâra hong mahai, an sinthohai an lang nona hrangin.

TÎRTÔNHAI SINTHO 13:41

‘Hmusittuhai, en u ta! ar khêl ti unglân irhmang roi; nin dam sûnga sin ki itho hi, mi’n nangni hrilfiah pe khom sian iam viat no chin ni, iti kha,’ a tia.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

2 PETERA toc2 2 PETERA 3:5

Tianlaia khan Pathian thu’n, irvânhai khi siam a ini le irnêng chu tui ata siam suak a inihai, tui le tui kâra a isia hai,

ROIRÊLTUHAI 20:34

Khan, Israel mihai laia inthang mi sîngkhatin Gibea khua chu an doi tâka, Benjamina irchihai khan an ihrât loi hrang ti inhre viat mahai.