MATHAIA 24:30 - PATHIAN LEKHABU IRTHIANG C.L. Bible (BSI)

³⁰ Kha zoro tika chu irnênga nam tinrêngin chapin an rôp irchûm an ta, Mihriam Nâipa hi sinthotheina le roiinpuina irkhêl tak le irvân sûm laia a zuang hmu an ti.

MATHAIA 24:30 ပူးပေါင်းရင်းမြစ်များ

DANIELA 7:13

Zân inlârnaa khan irngai ro, vân sûmlâia zuang mi inkhat mihriam nâipa anga om ki hmua, kumtuanga om pa kuanga khan an hong hruaia.

ZAKARIA 12:10

Davida irchi suanpâra mihai le Jerusalema mihai chunga khan khonzâna le chongchai nuamna irtha chu buak ki ti. Khanchu an lei isun that tâk kha en an ta, mi’n a nâi khât a ichâ angin ama chu la châ an ti. Nâilutîr sûntuhai angin a sân la sûn an ti.

ZAKARIA 12:11

Khanchu kha nia Jerusalema chap irhâi chu Megido phâia an pathian Hadad-Rimona an ichap ngai ang dôrin inring a ti.

MATHAIA 24:3

Khan, Jisua’n oliv tânga a toi laiin, a irchutirhaiin a bingin an hong irhmupuia, “Nin hril ta, hihai hi itika mo a itung hrang? Ni zuang nôkna hrang le rammual mongna hrang irsinsiana sinirkhêl kha i imo a iom hrang?” tiin an irdona.

MATHAIA 24:37

Mihriam Nâipa zuang nôkna chu Nova dam laia ang khan ni a ti.

MATHAIA 24:39

tui a hong liana, an rêngin an irhmang zit mâka chu imo a hong itung ite inhre mahai; Mihriam Nâipa zuang nôkna chu, khaang tak khan nih a ti;

MATHAIA 26:64

Jisua’n a kuang, “Ni ni ti mai tâk khate. Khannisianlân nangni ki hril: nakana chu, atûn ata Mihriam Nâipa hi Itinrêngthothei chang tianga toia, irvân sûm chunga zuang la hmu nin ti,” a tia.

MARKA 13:26

Kha zoi tikin chu Mihriam Nâipa hi a sinthotheina irkhêl tak le roiinpui takin sûm laia zuang ta a ti.

MARKA 13:4

“Kha kha itika mo a hong iom hrang, khahai murdi hong tung hranga khan irsinsiana thilirkhêl i imo, a hong om hrang? Nin hril ta,” an tia.

LUKA 21:27

Kha zoro tika chu Mihriam Nâipa hi sinthotheina le roiinpuina irkhêl tak leh sûm laia zuang hmu an ti.

LUKA 22:69

Khannisianlân, atûn ata chu Mihriam Nâipa hi Pathian sinthotheina chang tiang toi ta a ti,” a tia.

TÎRTÔNHAI SINTHO 1:11

Kha mihai khan, “Galili mihaio, ithoa mo irvân tiang enin nin ingîr mai? Hi Jisua nin kuang ata irvâna lâkpai hi irvâna a ikâi nin hmu ang takin zuang nôk a ti” an tia.

2 THESALONIKA toc2 2 THESALONIKA 1:7

Rengpa Jisua kha irvân ata ama vântîrtôn sinthothei takhai le meichok laia a zuang inlang tika, nangni intak tuanghai hi hong irngamtir a ti, keini khom ni’rngamtir a ti.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 12:1

Khanchu, thilirkhêl roiinpuitak irvâna an langa. Nupangnu misaa irvo, a ke hnuaia tha om, ârsi sômhleihnia siam rênglukhum khum hi a oma.