MATHAIA 23:26 - PATHIAN LEKHABU IRTHIANG C.L. Bible (BSI)

²⁶ Farisai mitchohai! khilât sûng tiang chu infâi bak unglân, a pên tiang khom fâi sa a ti.

MATHAIA 23:26 ပူးပေါင်းရင်းမြစ်များ

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

JEREMIA 13:27

Thil a inuam loi ni tho ngaihai kha nang a hmu ving, mi’n a tualbôm dôngma a irzuk ngai le sakorchalin a pui a izui ngai angin, sonong pathianhai tânga le phâia ni izui ngai nang a ihmu a ni. Jerusalem mihaio, nin chungthu an tak a ni ta! Itik tena irthiang ngai zât mo nin ini tâk?

JEREMIA 4:14

Jerusalem ni lungrîla irthokin sual infâi ro, khanchu saninzôkin om ni ti. Idôr mo ni ngaituana sual hi a la iom hrang?

EZEKIELA 18:31

Nin sintho insualnahai chu pai unglân, ngaituana thar le milung thar irput roi. Israel mihaio, itho mo thi nin ta?

MATHAIA 12:33

“Ra sa nei thei hrangin chu thingkung sa nin nei a nang; thingkung saloi nin neiin chu ra saloi nei nin ni. Thingkung chu a ra rengata inhriat thei a ni.

MATHAIA 14:8

Khanchu a nu iti pe lam ang takin, “Hi hmuna hin atûn Baptistu Johana lu chu khênga ni pe zôi zel ro!” tiin a nghia.

MARKA 7:4

Khan bazar ata an kîr nôk khomin tui an irsil bak no zelin chu fâk zong ngai mahai. Pi le pu thumâk dang tamtak intûk ngit khom an om sa. Khahai kha khilât, bêlhai, sumsen bêlhai le zâlhmunhai sôpfâi hrang tituhai an ni.)

LUKA 11:39

Khan, Rengpa’n a kuang, “Nangni Farisaihai, khilât le khêng a pên tiang nin infâia, khan, nin sûng tiang chu huatirhamna le sualna’n a sip a ni.

LUKA 6:45

Mi sain chu a milung irchon kok sa ata thil sahai a phor suak ngai, mi sual chu a milung irchon kok saloi ata thil saloihai a phor suak ngai, milunga lêt raka sip hi kêng bâiin nin insîr suak ngai.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

HEBRAI toc2 HEBRAI 10:22

Khasikin lungrîl dik le iamna irkip neiin, sia le sa inhriatna dikloi ata ei lungrîlhai irthiangtirin le ei takpumhai tui irthianga infâiin Pathian nâi ei ti.

JAKOBA toc2 JAKOBA 4:8

Pathian nâi roi, ama khomin nangni nâi a ti. Mi sualhaio, nin kuthai irsûkinfâi unglân, mi vârillekhaio, nin milung irthiangtir roi.